យោងតាមប្រភព Page Six បាននិយាយថា កំពូលតារាប៉ុប Taylor Swift និង Travis Kelce នឹងមានគម្រោងភ្ជាប់ពាក្យក្នុងពេលឆាប់ៗនេះ។ ក្រោយពីមានពត៏មាននេះ អ្នកតាមដាន និង គាំទ្រធ្វើការសន្និដ្ឋានចំពោះគូស្នេហ៍មួយគូនេះថា ប្រហែលជាពួកគេនឹងភ្ជាប់ពាក្យក្នុងថ្ងៃ Anniversaryមួយឆ្នាំនៅខែកក្កដានេះ។
លើសពីនេះ នៅរដូវក្តៅកាលពីឆ្នាំមុន (2023) អ្នកគាំទ្រអាចឃើញអ្នកទាំងពីរបានដើរលេងជាមួយគ្នាជាញឹកញាប់។ បន្ទាប់មកតារាចម្រៀងរូបនេះ និង Kelce ក៏បានបង្ហាញពីទំនាក់ទំនងរបស់នាងដោយការថើប Kelce ជាសាធារណៈអំឡុងពេលការប្រគុំតន្ត្រីរបស់ខ្លួន។
ម្យ៉ាងទៀត Kelce បានបង្ហាញនៅក្នុងបទសម្ភាសន៍ថ្មីៗនេះថា ពួកគេពិតជាបានទាក់ទងគ្នា បន្ទាប់ពីគាត់ខកខានឱកាសជួបនាងនៅឯការប្រគុំតន្ត្រី Kansas City របស់នាង។ ដូច្នេះហើយ ទើបពួកយើងពិភាក្សាអំពីការភ្ជាប់ពាក្យ នៅពេលដែលយើងមានទំនាក់ទំនងកាន់តែល្អហើយយើងមានមោទនភាពចំពោះគ្នាទៅវិញទៅមកផងដែរ។