ថ្មីៗ អំឡុងពេលបង្ហាញខ្លួនជាសាធារណៈ អ្នកគាំទ្រម្នាក់នៅតៃវ៉ាន់ បានទាក់ទាញការចាប់អារម្មណ៍ ពីតារាសម្ដែងរឿង “Lovely Runner” Byeon Woo Seok ក្នុងវិធីដែលមិនអាចបំភ្លេចបាន។
ដែលក្នុងពេលនោះ នាងបានកាន់ក្រដាសកាតុងទំហំធំមួយជារូប របស់ Byeon Woo Seok ជាប់នឹងខ្នងនាង។ នៅពេលដែល Byeon Woo Seok បានឃើញអ្នកគាំទ្រ ជាមួយនឹងរូបភាពរបស់គាត់នៅលើខ្នងរបស់នាង គាត់ពិតជាមានអារម្មណ៍រីករាយ និងបញ្ចេញស្នាមញញឹមដ៏ភ្លឺស្វាង ហើយក៏ផ្ទុះសំណើចចំពោះភាពឆ្លាយវៃរបស់អ្នកគាំទ្រខ្លួនផងដែរ។
ភ្លាមៗ តារាប្រុសរូបនេះបានបោះជំហានយ៉ាងលឿន ទៅរកអ្នកគាំទ្រដែលកំពុងលើកដៃរបស់នាង ក្នុងកាយវិការពាក់កណ្តាលបេះដូង ដោយសង្ឃឹមថាតារាសម្តែងនឹងបំពេញបេះដូងរបស់នាង ហើយដូចដែលនាងប្រាថ្នា Byeon Woo Seok បានលូកដៃទៅកាន់អ្នកគាំទ្រ ដើម្បីធ្វើកាយវិការបេះដូងមួយចំហៀងទៀតជាមួយនាង។
ប្រភព៖ kstartrend
បញ្ចេញមតិយោបល់
