មុននេះបន្តិចមានរឿងរ៉ាវដ៏ក្តៅគគុកមួយកើតឡើង ក្រោយពេលដែល Dispatch បានទម្លាយថា អតីតមិត្តប្រុសរបស់ Park Min Young បានផ្ទេប្រាក់មកឲ្យនាងរហូតដល់ទៅ ₩250 លានវ៉ុន (ប្រហែល $ 190,000 USD) ក្នុងកំឡុងពេលដែលពួកគេទាក់ទងគ្នា។
យ៉ាងណាមិញ មុននេះបន្តិច ទីភ្នាក់ងាររបស់តារាស្រីរូបនេះក៏បានចេញសេចក្តីថ្លែងការណ៍បញ្ជាក់ថា Park Min Young មិនបានធ្វើអ្វីខុសច្បាប់ទេ ហើយនាងក៏មិនដែលបានចំណេញ ពីការចូលរួមក្នុងអ្វីដែលខុសច្បាប់ដែរ ចំណែកទឹកប្រាក់ ₩250 លានវ៉ុន (ប្រហែល $ 190,000 USD) ចូលមកក្នុងគណនីរបស់នាង គឺដោយសារតែ Kang Jong Hyun អតីតមិត្តប្រុសរបស់នាង បានប្រើគណនីធនាគាររបស់នាងដើម្បីទទួលវា មិនតែប៉ុណ្ណោះ ផលិតកម្មក៏បានសុំឲ្យអ្នកគាំទ្របញ្ឈប់ “ការផ្សព្វផ្សាយការបរិហារកេរ្តិ៍” របស់តារាស្រីរូបនេះផងដែរ។
គួររំលឹកផងដែរថា Kang Jong Hyun ត្រូវបានគេចោទប្រកាន់ពីបទកេងប្រាក់ជាង ₩60.0 ពាន់លាន KRW (ប្រហែល 45.7 លានដុល្លារអាមេរិក) ក្នុងការផ្តល់មូលនិធិពី Bithumb និងសាខារបស់ខ្លួន។
ប្រភព៖ Koreaboo
