បន្ទាប់ពីកន្លងផុតរយៈពេលជាច្រើនឆ្នាំ កាលពីថ្ងៃទី១៥ នៅខែមករា ក្នុងឆ្នាំ ២០២៤នេះ គឺជាខួប ១៥ឆ្នាំ របស់សហរដ្ឋអាមេរិកដែលមានព្រឹត្តិការណ៍ ចុះចតយន្តហោះនៅកណ្តាលទន្លេក្នុងប្រវត្តិសាស្ត្រដែលមិនអាចបំភ្លេចបាន។
កាលថ្ងៃទី 15 ខែមករា ឆ្នាំ2009 ម៉ោង 3:25 ល្ងាច ម៉ោងក្នុងស្រុកនៅសហរដ្ឋអាមេរិក ជើងហោះហើរ US Airways 1549 បានចាកចេញពីអាកាសយានដ្ឋាន LaGuardia ក្នុងទីក្រុងញូវយ៉ក។
ឆ្ពោះទៅទីក្រុង Charlotte រដ្ឋ North Carolina មុនពេលមានរឿងដែលមិននឹកស្មានដល់កើតឡើង យន្តហោះត្រូវបានវាយប្រហារដោយហ្វូងសត្វស្លាបភ្លាមៗបន្ទាប់ពីហោះឡើង។
នៅពេលនោះគឺរងការខូចខាចយ៉ាងធ្ងន់ធ្ងរ ដោយសារតែទីតាំងហោះហើរ និងរយៈកម្ពស់ទាប ហើយមិនអាចហោះទៅចុះចតនៅប្រលានវិញបាន លោក Chesley Pilot Sullenberger ឬ Sully និង Jeffrey Skiles បានជូនដំណឹងថា សម្រេចចិត្តប្រថុយប្រថាន និង ដើម្បីធ្វើការចុះចតជាបន្ទាន់នៅក្នុងទន្លេ Hudsonដែលជាអព្ភូតហេតុមួយដែលមិនធ្លាប់កើតមានក្នុងសហរដ្ឋអាមេរិក។
បន្ទាប់ពីចុះចតក្នុងទឹក ទូកជួយសង្គ្រោះក៏ព្យាយាមជួយអ្នកដំណើរចេញពីទឹកយ៉ាងឆាប់រហ័ស ក្នុងនោះអាចមានអ្នកដំណើរតិចតួចបានរងរបួសធ្ងន់ ប៉ុន្តែ បើយោងតាមគេហទំព័រNew York Waterway ចាត់ទុកវាជា “ការជួយសង្គ្រោះតាមសមុទ្រដែលជោគជ័យបំផុតក្នុងប្រវត្តិសាស្ត្រអាកាសចរណ៍”។
នេះហើយជារឿងរ៉ាងដែលកើតឡើងក្នុងប្រវត្តិសាស្រ្តរបស់សហរដ្ឋអាមេរិក នៅក្នុងខែមករាដែលអ្នកទាំងអស់គ្នាអាចមិនធ្លាប់ដឹង។
ប្រភព៖ The standard