Ruco Chan ធ្វើជាគាំទ្រប្រពន្ធយ៉ាងពេញក្នុងការបណ្តាក់ទុនផលិតផលថ្មីសាប៊ូធម្មជាតិ ដែលបានបង្ហាញខ្លួននៅក្នុងព្រឹត្តិការណ៍នៃផ្សារទំនើប Kowloon Tong ដែលជាកន្លែងចែកចាយ និង ផ្សព្វផ្សាយផលិតផលថ្មីរបស់ Phoebe។
នៅក្នុងពេលនោះដែរ ប្រពន្ធរបស់ Ruco Chan បានចែករំលែកថា ដោយសារតែកូនស្រីរបស់ខ្លួនមានជំងឺត្រអកនៅលើដៃនៅពេលមានអាយុប្រហែលជា ២ឆ្នាំ ទើបធ្វើឲ្យនាងខិតខំស្វែងរកកាព្យាបាលពីវេជ្ជបណ្ឌិតលោកខាងលិច ថែមទាំងធ្វើការស្រាវជ្រាវពិសោធធ្វើប្រទាលកន្ទុយក្រពើដោយខ្លួនឯង ដោយប្រើសារធាតុចម្រាញ់ពី Marigold ដែលអាចជួយព្យាបាលជំងឺនេះបាន។
មូលហេតុដែលកាន់តែធ្វើឲ្យ Phoebe សម្រេចចិត្តបណ្តាក់ទុនលើផលិតផលថ្មីនេះ គឺដោយសារតែ វាមានប្រសិទ្ធិភាពជួយដល់ Ruco នៅពេលដែលគាត់កើតជំងឺស្បែករបកក្រហមបន្ទាប់ពីការថតក្រោមកម្តៅថ្ងៃខ្លាំងពេក ហើយជាដំបូងគឺផលិតសម្រាប់ប្រើប្រាស់ និង តិចតួចបំផុតសម្រាប់លក់តាមរយៈ អ៊ីនធឺណែត និង Fan club របស់ Ruco Chanតែប៉ុណ្ណោះ។
ចុងក្រោយ Phoebe បានសារភាពថាការចាប់ផ្តើមអាជីវកម្មផ្ទាល់ខ្លួនរបស់នាងគឺជាអ្វីមួយដែលមិនធ្លាប់មាននៅក្នុងចិត្តរបស់នាងនោះទេ ប៉ុន្តែ ដោយមានការលើកទឹកចិត្ត និងជួយជ្រោមជ្រែងថវិកាចម្បងពីស្វាមីរបស់ខ្លួន ព្រមទាំងបង្ហាញពីសារៈសំខាន់នៃផលិតផលរបស់នាង អាចជួយដល់កុមារ និងមនុស្សពេញវ័យផ្សេងទៀតដែលជួបប្រទះបញ្ហាដូចគ្នានោះ ទើបធ្វើឲ្យនាងហ៊ានបើកអាជីវកម្មនេះលើទីផ្សារតែម្តង។