កាលពីថ្ងៃទី 7 ខែមិថុនា វេលាម៉ោង 1 រសៀល (ម៉ោងក្នុងស្រុក), Jungkook បានចេញបទថ្មីមួយដែលមានចំណងជើង “Never Let Go” ដែលធ្វើឲ្យផ្ទុះការគាំទ្រ និង សរសើរជាខ្លាំងពីអ្នកគាំទ្ររបស់គាត់ទូទាំងពិភពលោក។
ជាមួយគ្នានេះដែរ ពេលចេញបទចម្រៀងនេះភ្លាម តារាប្រុសរូបនេះបានធ្វើឲ្យបទចម្រៀងថ្មីនេះ ជាប់ចំណាត់ថ្នាក់កំពូលនៃតារាង iTunes ក្នុងប្រទេសជាច្រើនជុំវិញពិភពលោក។
បន្ថែមពីេនះ នៅថ្ងៃទី 8 ខែមិថុនានេះ គិតត្រឹមម៉ោង 9 ព្រឹក (ម៉ោងក្នុងស្រុក) បទចម្រៀង “Never Let Go” បានជាប់ចំណាត់ថ្នាក់លេខ 1 នៅលើតារាង iTunes Top Songs យ៉ាងហោចណាស់ 96 តំបន់ផ្សេងៗគ្នា រួមទាំងសហរដ្ឋអាមេរិក ជប៉ុន និងអ៊ីតាលីផងដែរ។
ទន្ទឹមនឹងនេះ គួរឱ្យកត់សម្គាល់ផងដែរថា Jungkook បានសហការនិពន្ធទាំងបទភ្លេង និងទំនុកច្រៀងឱ្យបទ “Never Let Go” ហើយក៏ជាសមាជិកដែលលេចធ្លោ និង ទទួលបានជោគជ័យច្រើនជាមួយនឹងបទចម្រៀងទោលរបស់គាត់មួយចំនួន។
ប្រភព៖ Soompi
