រឿង Doctor Slump ដឹកនាំដោយ Oh Hyun Jong ដែលជាអ្នកដឹកនាំរឿង Weightlifting Fairy Kim Bok Joo និង Find Me in Your Memory ។ រីឯស្គ្រីប ក៏ត្រូវបានសរសេរដោយ Baek Sun Woo និង My Roommate is a Gumiho ផងដែរ។
TBC នឹងចេញផ្សាយរឿង Doctor Slump ដែលសម្តែងដោយ Park Shin Hye និង Park Hyung Sik នៅថ្ងៃទី 27 ខែមករា។ នេះជាលើកទី 2 ហើយដែលអ្នកទាំងពីរធ្វើការជាមួយគ្នាបន្ទាប់ពីមានគម្លាត 10 ឆ្នាំចាប់តាំងពី The Heirs ។ Doctor Slump ក៏ជារឿងដំបូងរបស់ Park Shin Hye ចាប់តាំងពីសំរាលកូនមក។
សាច់រឿងផ្តោតលើការលូតលាស់ និងសេចក្តីស្រឡាញ់របស់តួអង្គសំខាន់ទាំងពីរ ដែលបានលាឈប់ពីការងារជាវេជ្ជបណ្ឌិត ហើយបញ្ចប់ទៅជាអ្នកជិតខាងនៅក្នុងដំបូលផ្ទះតែមួយ។ នៅក្នុង poster តួអង្គ Park Shin Hye និង Park Hyung Sik ត្រូវបានគេឃើញស្លៀកឯកសណ្ឋានសិស្ស ដោយសារអ្នកទាំងពីរជាអតីតគូប្រជែងនោះ ចំណងជើងបានសរសេរថា “ពិភពលោកមិនអាចមានព្រះអាទិត្យពីរ ក៏ដូចសាលារៀនគឺមិនអាចមានជ័យលាភីលេខមួយបានពីរនាក់នោះទេ”។ចូលមកដល់
តួអង្គ Park Shin Hye ធ្វើការជាអ្នកប្រើថ្នាំសន្លប់។ជាមួយទេពកោសល្យ ភាពវៃឆ្លាតខ្លាំងរបស់នាង ព្រមទាំងការស៊ូសិក្សាយ៉ាងលំបាក ហើយនាងបានក្លាយជាវេជ្ជបណ្ឌិតម្នាក់។ ដោយមើលទៅជីវិតនាង មានតែការងារ និងការសិក្សា នាងក៏សម្រេចចិត្តផ្លាស់ប្តូររឿងមួយចំនួន។
ឯចរិតរបស់ Park Hyung Sik តែងតែជាប់ចំណាត់ថ្នាក់លេខ ១ ក្នុងការសិក្សានោះ បន្ទាប់ពីសិក្សានៅសាលាវេជ្ជសាស្ត្រកំពូលក្នុងប្រទេស គាត់បានក្លាយជាគ្រូពេទ្យវះកាត់កែសម្ផស្សដ៏ពេញនិយមម្នាក់។ ជីវិតរបស់គាត់ដំណើរការយ៉ាងរលូនរហូតដល់ជួបឧបទ្ទវហេតុវេជ្ជសាស្រ្ដដ៏អាថ៌កំបាំងមួយ។ នៅពេលដែលគាត់បានជួបតួអង្គ Park Shin Hye ម្តងទៀត ពួកគេបានលង់ចិត្តគ្នាទៅវិញទៅមក ហើយទំនាក់ទំនងស្នេហាបានរីកដុះដាលឡើង។
ចង់ដឹងថាសាច់រឿងទៅជាបែបណាទៀត ដូច្នេះហើយកុំតាមដានទស្សនា ខ្សែភាពយន្តភាគកូរ៉េនេះណា ដោយសារគ្រាន់តែឃើញ trailer ក៏ឡូយដែរ។
ប្រភព ៖ jaynestar.com
