ថ្មីៗនេះ Hanni សមាជិកក្រុម NewJeans មានអារម្មណ៍រំជួលចិត្ត ជាមួយនឹងអ្នកគាំទ្រម្នាក់ ដែលធ្វើឱ្យនាងស្រក់ទឹកភ្នែកភ្លាមៗតែម្តង ក្នុងអំឡុងពេលព្រឹត្តិការណ៍ fansign តាមអ៊ីនធើណែត។
ក្នុងនោះ នៅពេលចាប់ផ្តើមគេឃើញអ្នកទាំងពីរ បានស្វាគមន៍គ្នាទៅវិញទៅមក ដោយយ៉ាងស្វាហាប់ វាច្បាស់ណាស់ថា Hanni ស្គាល់អ្នកគាំទ្រម្នាក់នេះពីមុន។
Fan : ខ្ញុំនឹកអ្នក!
Hanni : ខ្ញុំក៏នឹកអ្នកដែរ!
នៅពេលដែលអ្នកគាំទ្របានប្រាប់ Hanni ថានាងចង់ផ្តល់ឱ្យនាងនូវ “ការសារភាព” ពេលនោះ ធ្វើឲ្យ Hanni បានត្រៀមត្រចៀកស្តាប់យ៉ាងយកចិត្តទុកដាក់ ទោះជាយ៉ាងណា ពេលដែល Hanni បានស្តាប់ ទឹកមុខស្រទន់របស់នាង ប្រែទៅជារំជួលចិត្តមួយរំពេច ហើយមិនយូរប៉ុន្មាន នាងស្រក់ទឹកភ្នែកតែម្តង។
ដែលអ្នកគាំទ្របាននិយាយថា “តាំងពីបង្ហាញខ្លួនដំបូងមក យើងបានជួបគ្នាច្រើនដងហើយ អ្នកបានផ្តល់ឱ្យខ្ញុំនូវថាមពលជាច្រើន នៅក្នុងជីវិតប្រចាំថ្ងៃរបស់ខ្ញុំ។ អ្នកខ្លាំងជាងខ្ញុំបានគិត ដូច្នេះឥឡូវនេះខ្ញុំក៏ចង់ក្លាយជាកម្លាំងចិត្តរបស់អ្នកដែរ។ ទោះហត់យ៉ាងណាក៏ចង់នៅជាមួយអ្នកគ្រប់ពេល។ អ្នកមិនឯកាទេ។ ខ្ញុំនឹងនៅទីនោះសម្រាប់អ្នកជានិច្ច”។
ពេលស្តាប់ Hanni ងក់ក្បាលបណ្តើរ ហូរទឹកភ្នែកបណ្តើរ ជាមួយនឹងពាក្យសារភាពល្អៗរបស់អ្នកគាំទ្ររបស់នាង ហើយទោះបីជានាងស្រក់ទឹកភ្នែកក្តី តែវាច្បាស់ណាស់ថា ពាក្យថាកម្លាំងរបស់អ្នកគាំទ្រគឺពិតជាមានន័យណាស់ចំពោះ Hanni។
ប្រភព៖ Koreaboo
