Sana គឺជាសមាជិកស្រីដែលភាពលេចធ្លោជាមួយនឹងរូបរាង ព្រមទាំងសមត្ថភាពរបស់នាងនៅក្នុងក្រុម TWICE ដែលត្រូវបានអ្នកគាំទ្រជាច្រើនបានស្គាល់តាមរយៈចម្រៀង ក៏ដូចជាក្នុងពិភពពាណិជ្ជកម្មជាច្រើនផងដែរ។
ថ្មីៗនេះ តារាស្រីរូបនេះត្រូវបានគេដឹងថាជាសមាជិកស្រីដែលមានជាងគេនៅក្នុងក្រុម ព្រមទាំងទទួលបានកិច្ចព្រមព្រៀងពាណិជ្ជកម្មពី Brand ធំៗ ៣ ថែមទៀតក្នុងរយៈពេល ១ឆ្នាំតែប៉ុណ្ណោះ។
គួរបញ្ជាក់ដែរថា កាលពីថ្ងៃទី 24 ខែមីនា តារាស្រីរូបនេះបានក្លាយជាឯកអគ្គរដ្ឋទូត Muse ជាផ្លូវការសម្រាប់ YSL Beauty Japan ដោយទាក់ទាញការចាប់អារម្មណ៍ដោយស្ថិតក្នុងទម្រង់សក់ខ្លីពោរពេញដោយមន្តស្នេហ៍ និងទំនុកចិត្តខ្ពស់របស់នាង។
លើសពីនេះទៀត ដើមខែមីនា ឆ្នាំ ២០២៤ នេះ Sana ត្រូវបានប្រកាសជាឯកអគ្គរដ្ឋទូតនៃម៉ាកគ្រឿងសំអាង eSpoir ដែលធ្វើឲ្យអ្នកគាំទ្រដឹងថានាងកំពុងទទួលបានឱកាសការងារជាច្រើនក្នុងឆ្នាំតែមួយ។
នៅមិនទាន់អស់ទេ កាលពីមុន Sana ក៏ធ្លាប់បានទាក់ទាញការចាប់អារម្មណ៍របស់អ្នកគាំទ្រក្នុងនាមជា Brand Ambassador របស់ MISSHA ផងដែរ។
ទន្ទឹមនឹងនេះ បច្ចុប្បន្ន Sana ត្រូវបានគេដឹងថាជាសមាជិកដែលមានទ្រព្យសម្បត្តិច្រើនជាងគេក្នុងក្រុម TWICE ជាមួយនឹងទ្រព្យសម្បត្តិសុទ្ធចំនួន 3 លានដុល្លារ ដែលធ្វើឲ្យនាងក្លាយជាតារាស្រីម្នាក់ដែលកំពុងពេញនិយមនៅក្នុងវិស័យឧស្សាហកម្មតន្ត្រី និង ពាណិជ្ជកម្មផងដែរ
ប្រភព : Kbizoom
