ជុំវិញពិភពលោក អ្នកគាំទ្រ BLACKPINK កំពុងប្រារព្ធថ្ងៃបុណ្យក្រៅផ្លូវការ សម្រាប់ខួបកំណើតរបស់ Jennie ដែលជាតារាដ៏ស្រស់ស្អាត និងមានទេពកោសល្យបានឈានចូលអាយុ 28 ឆ្នាំនៅថ្ងៃទី 16 ខែមករា នេះ ។
ហើយដើម្បីអបអរឱកាសពិសេសនេះ BLINKs កំពុងផ្ញើសារនៃក្តីស្រឡាញ់ទៅកាន់ Jennie នៅលើប្រព័ន្ធផ្សព្វផ្សាយសង្គមគ្រប់គ្នា ប៉ុន្តែមិនមែនមានតែពួកគេទេដែលអបអរ Jennie ក្នុងនោះក៏មាន Rosé ម្នាក់ដែរ ដែលបានចែករំលែករូបថត និងសារដ៏មានន័យសម្រាប់ Jennie នៅក្នុង Instagram story របស់នាង។
តារាស្រីរូបនេះបានសរសេរថា “ជូនចំពោះនារីដែល hot បំផុតនៅទីនោះ រីករាយថ្ងៃ JENDAWG!!!!! ខ្ញុំសង្ឃឹមថាអ្នកមានថ្ងៃដ៏អស្ចារ្យបំផុតនៅថ្ងៃនេះ…រីករាយណាស់ដែលបានហៅអ្នកថា unnie ហើយបានធំឡើងជាមួយអ្នកអស់រយៈពេលជាងមួយទសវត្សរ៍! ខ្ញុំសង្ឃឹមថាឆ្នាំនេះ គឺជាឆ្នាំដែលពោរពេញទៅដោយអ្វីគ្រប់យ៉ាងដែលអ្នកតែងតែចង់ធ្វើ ហើយខ្ញុំនឹងតែងតែនៅជិត ឬឆ្ងាយ ធ្វើជាអ្នកគាំទ្រដ៏ធំបំផុតរបស់អ្នកដែលគាំទ្រអ្នក…នេះជារូបភាពដ៏គួរឲ្យស្រលាញ់របស់ពួកយើង។ Love uuu xxx រីករាយថ្ងៃកំណើតអ្នកស្រលាញ់!!!”។
បើទោះបីជា សមាជិកទាំងអស់របស់ BLACKPINK មានកាលវិភាគមមាញឹកថ្ងៃនេះ ប៉ុន្តែពួកគេតែងតែឆ្លៀតពេលសម្រាប់អ្វីដែលសំខាន់សម្រាប់គ្នាទៅវិញទៅមក។វ
