Marian Rivera Gracia កើតថ្ងៃទី 12 ខែសីហា ឆ្នាំ 1984 មានសញ្ជាតិ អេស្ប៉ាញនិង ហ្វីលីពីន ហើយជាតារាសម្តែង ពិធីករទូរទស្សន៍ តារាបង្ហាញម៉ូត និង ជាសហគ្រិនជនជាតិហ្វីលីពីនដែលត្រូវបានគេទទួលស្គាល់តាមរយៈ ការសម្ដែងក្នុងរឿងមនោសញ្ចេតនាជាច្រើន។
ទោះបីជាឈានចូលអាយុ ៤០ ឆ្នាំ ក៏ពិតមែន ប៉ុន្តែតារាស្រីរូបនេះ នៅតែមានសម្រស់យ៉ាងក្មេងជាងវ័យ និង មិនងាយចាស់ទៅណាសោះ ទោះបី Marian Rivera បានរៀបការជាមួយ Dingdong Dantes ក្នុងឆ្នាំ 2014 ហើយទទួលបានចំណងដៃកូនពីរនាក់ក៏ដោយ។
ងាកមកមើលពីស្នាដៃ និង កេរ្តិ៍ឈ្មោះក្នុងវិស័យភាពយន្តរបស់នាងវិញ គឺ មិនធម្មតាឡើយដោយតារាស្រីរូបនេះ បានចេញសម្ដែងក្នុងកំឡុងឆ្នាំ ២០០០។
បន្ទាប់មក Marian Rivera ត្រូវបានទទួលស្គាល់ពេញទំហឹងដោយអ្នកគាំទ្រទូទាំងពិភពលោកជាមួយនឹងតួនាទីក្នុងរឿង Marimar (2007) ហើយប្រជាប្រិយភាពក្នុងពិភពសិល្បៈរបស់នាង កាន់តែរីកចម្រើនយ៉ាងទូលំទូលាយបន្ទាប់ពីសម្តែងក្នុងរឿង Dyesebel (2008), និង Darna (2009) ។
ទន្ទឹមនឹងពេលថ្មីៗនេះ តារាស្រីរូបនេះ និងស្វាមីក៏បានទទួលពានរង្វាន់ FAMAS “Bida sa Takilya” សម្រាប់ខ្សែភាពយន្ត “Rewind” របស់ពួកគេដែលបានចេញផ្សាយកាលពីឆ្នាំ ២០២៣ ផងដែរ។
