នៅថ្ងៃទី 2 ខែមិថុនា ផលិតកម្ម SM Entertainment បានចេញសេចក្តីថ្លែងការណ៍ផ្លូវការមួយដោយប្រកាសពីការផ្អាកសកម្មភាពភ្លាមៗរបស់ NingNing ពីសកម្មភាពក្រុមរបស់ aespa ។
យោងតាមទីភ្នាក់ងារនេះ NingNing បានអវត្តមានពីការសម្តែងលើឆាករបស់ Aespa ក្នុងកម្មវិធី “K-Wave Concert Inkigayo” ដែលធ្វើឡើងនៅទីក្រុង Incheon នៅថ្ងៃតែមួយ ដោយ SM បានរៀបរាប់យ៉ាងលម្អិតថា NingNing បានទៅមន្ទីរពេទ្យ បន្ទាប់ពីមាន អាការៈសញ្ញានៃការខះជាតិទឹក និងហត់នឿយក្នុងអំឡុងពេលហ្វឹកហាត់។
លើសពីនេះ មានគេរាយការណ៍ថា អ្នកជំនាញផ្នែកវេជ្ជសាស្រ្តបានណែនាំ NingNing ឱ្យសម្រាក និងទទួលការព្យាបាលដើម្បី ឲ្យបានឆាប់ជាសះស្បើយឡើងវិញ។
បន្ថែមពីនេះទៀត SM បានធានាដល់អ្នកគាំទ្រដោយបញ្ជាក់ថា សុខភាពរបស់ NingNing ជាអាទិភាពចម្បង ហើយភ្នាក់ងារនឹងប្រឹងប្រែងឱ្យអស់ពីសមត្ថភាពដើម្បីឱ្យនាងផ្តោតលើការជាសះស្បើយពេញលេញរបស់នាង។
ប្រភព ៖ Koreaboo
បញ្ចេញមតិយោបល់
