រឿងកូរ៉េថ្មីបំផុតរបស់ Netflix Gyeongsong Creature ដែលសម្តែងដោយ Park Seo Joon និង Han So Hee បានចាក់ផ្សាយរដូវកាលទីមួយនៅថ្ងៃទី 22 ខែធ្នូ។ ជាមួយគ្នានេះដែរ រដូវកាលទីពីរនឹងចាក់ផ្សាយនៅថ្ងៃទី 5 ខែមករា ហើយ តួសម្តែងត្រូវបានចូលរួមសន្និសីទសារព័ត៌មានមុនដើម្បីផ្សព្វផ្សាយរឿងរបស់ខ្លួន។
បន្ថែមពីនេះ ក្នុងនាមជាតួសម្តែងនៅក្នុងរឿងមួយនេះ Park Seo Joon បាននិយាយថារឿងនេះមានមន្តស្នេហ៍ និងទាក់ទាញជាខ្លាំង ហើយគាត់សម្ដែងជា Jang Tae Sang ជាបុរសមានបំផុតក្នុងទីក្រុង និងជាប្រធានហាងបញ្ចាំមួយ។ “តួអង្គនេះបានបង្ហាញពីភាពខុសគ្នាខ្លះៗពីខ្លួនខ្ញុំ ហើយខ្ញុំកោតសរសើរស្នាដៃនិពន្ធរបស់ Kang Eun Kyung ណាស់ ព្រោះ ខ្ញុំក៏មានឱកាសជួប Han So Hee ដែរ ដូច្នេះនេះជាបទពិសោធន៍ដ៏រីករាយមួយ»។
បន្ថែមពីនេះ Park Seo Joon ក៏បានបង្ហើបពីឈុតដំបូង ដែលធ្វើឲ្យលោកចងចាំជាខ្លាំង ដោយនិយាយបែបកំប្លែងថា “ការថតលើកដំបូងគឺជាឈុតទារុណកម្ម ហើយថ្ងៃនោះពិតជាត្រជាក់ខ្លាំងណាស់។ អ្វីដែលសំខាន់នោះ ខ្ញុំត្រូវបានសើមដោយទឹកជាបន្តបន្ទាប់ពេលកំពុងថត ដូច្នេះវាធ្វើឲ្យខ្ញុំមានអារម្មណ៍ថា តើទីបញ្ចប់នឹងទៅជាយ៉ាងណា ប្រសិនបើនេះគ្រាន់តែជាការចាប់ផ្ដើមហ្នឹង»។
ចំណែកឯ Han So Hee ក៏បាននិយាយថាឈុតដំបូងរបស់នាងក៏ហត់នឿយខ្លាំងណាស់ដែរដោយបង្ហាញពីការស្វែងរកមនុស្សបាត់ខ្លួន។ “ខ្ញុំត្រូវដោះសក់របស់ខ្ញុំ ហើយងាកករបស់ខ្ញុំយ៉ាងឆាប់រហ័សក្នុងឈុតនោះ។
“ខ្ញុំត្រូវដោះសក់របស់ខ្ញុំ ហើយងាកករបស់ខ្ញុំយ៉ាងឆាប់រហ័សក្នុងឈុតនោះ។ មិនតែប៉ុណ្ណោះ ខ្ញុំធ្វើវាច្រើនជាង២០ដងរហូតដល់ចប់! នៅថ្ងៃបន្ទាប់ ករបស់ខ្ញុំឈឺខ្លាំងណាស់ ខ្ញុំមិនអាចរើវាបានទេ។ ក្នុងពេលនោះដែរ ខ្ញុំក៏ត្រូវរបួសមុខដោយចៃដន្យពេលកំពុងថតដែរថា៖ «ក្នុងឈុតឆាកសម្ដែងនោះ គឺមានហានិភ័យរបួសទាំងក្រុមសម្ដែង និងតួសម្ដែង។ វាជាបរិយាកាសមួយតានតឹង ហើយ សកម្មភាពខ្លះគឺស្ទើរតែមិនអាចទៅរួចតែម្តង។
ទាំងអស់នេះហើយជាបទពិសោធន៍ដែលពួកយើងអាចចែករំលែកបាន បន្ទាប់ពីការសម្តែងត្រូវបានបញ្ចប់ ប៉ុន្តែក៏អរគុណដល់មិត្តរួមការងារដែលតែងតែជួយសម្របសម្រួលនៅពេលដែលខុសទៅវិញទៅមក។
ប្រភព ៖ jaynestar.com
