កាលពីយប់មិញ ថ្ងៃទី ២៩ ខែធ្នូ Park Sung-woong បានឈ្នះពានរង្វាន់ Top Excellence Awards ក្នុងកម្មវិធី SBS Drama Awards ឆ្នាំ 2023 ក្រោយមកនៅពេលដែលលោកឡើងទទួលពានរង្វាន់ តារាប្រុសរូបនេះបានចូលរួមគោរពវិញ្ញាណក្ខន្ធលោក Lee Sun-kyun ផងដែរ។
ដែល Park Sung-woong បានឡើងទៅលើឆាក ដោយទឹកមុខស្ងប់ស្មើ ពោពេញទៅដោយភាពកើតទុក្ខ និងបាននិយាយថា៖ “ខ្ញុំនឹងមិននិយាយអ្វីទេ សម្រាប់ពិភពលោកដ៏ឃោឃៅនេះ សូមឲ្យឯងទៅកាន់សុគតិភព ទៅកន្លែងដ៏សុខសាន្តគ្មានការឈឺចាប់ និងព្រួយបារម្ភទៀត ថ្ងៃនេះគឺជាថ្ងៃដែលខ្ញុំបានបញ្ជូនឯងទៅស្ថានសួគ៌ តែខ្ញុំបែរជាទទួលបានពានរង្វាន់ ខ្ញុំនឹងឧទ្ទិសរង្វាន់នេះទៅដល់ឯងនៅស្ថានសួគ៌ លាហើយប្អូនប្រុសល្អរបស់ខ្ញុំ!”។
ភ្លាមៗបន្ទាប់ពីលោកនិយាយចប់ ធ្វើឲ្យតារាៗផ្សេងទៀត ក៏ដូចជាអ្នកគាំទ្រមិនអាចទប់ទឹកភ្នែកបាននោះទេ ព្រោះតែនៅអាឡោះអាឡៃតារាសម្តែង Lee Sun-kyun។
ប្រភព៖ Kbizoom
