Jung Cho Ha ជាអ្នកចម្រៀងវ័យក្មេងរបស់កូរ៉េខាងត្បូងដែលបានចុះហត្ថលេខាជាមួយភ្នាក់ងារ M.O.T Entertainment។
លើសពីនេះ អាជីពទោលរបស់ក្មេងស្រីវ័យ ១១-១២ ឆ្នាំរូបនេះ បានចាប់ផ្តើមនៅថ្ងៃទី 29 ខែធ្នូ ឆ្នាំ 2023 ជាមួយនឹងការចេញផ្សាយបទចម្រៀងឌីជីថលដែលមានចំណងជើងថា “Anymore” ។
អ្វីដែលសំខាន់ ថ្វីត្បិតតែនាងនៅជាក្មេងជំទង់ក៏ដោយ ប៉ុន្តែនាងបានបង្ហាញ ទេពកោសល្យយ៉ាងល្អជាមួយសំលេងយ៉ាងពិរោះ និង ជំនាញរាំដែលមានសមត្ថភាពហួសពីអាយុរបស់នាង។
បន្ថែមពីនេះទៀត មន្តស្នេហ៍ជាមួយនឹងសម្រស់ក្នុងវ័យជំទង់របស់នាងក៏ជាចំណុចគួរឲ្យចាប់អារម្មណ៍ផងដែរ ព្រោះមើលទៅរូបរាង និង ទម្រង់មុខមានលក្ខណៈស្រដៀងទៅនឹង Jennie សមាជិកក្រុម BLACKPINK ធ្វើឲ្យគេហៅនាងថា jennie តូច ។
ទន្ទឹមនឹងនេះ ដោយសារតែសម្រស់ ក៏ដូចជាសំលេងដ៏ពិរោះរបស់ Jung Cho Ha នាងក៏មានការទទួលបានការសរសើរ និង ទាក់ទាញអារម្មណ៍យ៉ាងខ្លាំងពីអ្នកលេងអ៊ីនធើណែត និង អ្នកគាំទ្រជាច្រើនរូប។
