ស្នេហាជាអ្វីទៅ? ហេតុអ្វីមនុស្សមួយចំនួនតែងតែចង់មានវា? ស្នេហាត្រូវបានមនុស្សជាច្រើនឲ្យនិយមន៏យខុសៗគ្នា ទៅតាមអារម្មណ៍របស់ពួកគេធ្លាប់ឆ្លងកាត់ ហើយក៏គ្មាននរណាម្នាក់អាចបញ្ជាក់ច្បាស់ផងដែរ។ ប៉ុន្តែ ប្រសិនបើអ្នកចង់មានស្នេហាមួយ រឿង ៤ យ៉ាងនេះ អ្នកគួរតែស្វែងយល់ជាមុនសិន ៖
១. ស្នេហាជាការលះបង់
ជាធម្មតាទេ នៅពេលដែលអ្នករៀនចេះស្រឡាញ់នរណាម្នាក់ពិតប្រាកដ អ្នកនឹងលះបង់គ្រប់យ៉ាងដើម្បីគ្រាន់តែចង់ឃើញគេមានសុភមង្គលតែប៉ុណ្ណោះ។ ទោះបីជាដឹងថាមនុស្សដែលគេជ្រើសរើសមិនមែនជាអ្នក ក៏អ្នកនៅតែស្មគ្រ័ចិត្តលះបង់ដើម្បីគេ នេះហើយជាការលះបង់សម្រាប់ស្នេហារបស់អ្នក។
២. ស្នេហាមិនមែនឈឺចាប់គ្រប់យ៉ាង
ពិតណាស់ប្រសិនបើអ្នកនៅជាមួយមនុស្សត្រូវ នៅជាមួយមនុស្សដែលផ្តល់ក្តីស្រឡាញ់ដ៏បរិសុទ្ធមួយឲ្យអ្នក មើលថែអ្នក នោះអ្នកនឹងមានក្តីសុខ សរបញ្ជាក់បានថាស្នេហារបស់អ្នក មិនមែនឈឺចាប់គ្រប់យ៉ាងនោះទេ។
៣. គ្រប់យ៉ាងសុទ្ធតែមានទីបញ្ចប់
មុនចង់បានស្នេហាមកនៅជាមួយ ត្រូវរៀនត្រៀមចិត្តឲ្យបានរួចរាល់ ព្រោះគ្មានអ្វីអាចនៅជាមួយអ្នកជារៀងរហូតបានទេ សូម្បីមនុស្សដែលអ្នកស្រឡាញ់។ ដូចនេះហើយ គ្រប់យ៉ាងសុទ្ធតែមានទីបញ្ចប់របស់វា រៀនដោះលែង រៀនដាក់ចុះទើបធូរស្រាលពេលដែលអ្នកបាត់បង់វា។
៤. ស្នេហាតែងតែមានទឹកភ្នែក
ត្រូវចាំថា មុនចង់មានស្នេហា ត្រូវត្រៀមទឹកភ្នែកអ្នកដើម្បីស្រក។ មិនថាអារម្មណ៍បែបណាទេ ប៉ុន្តែនៅពេលដែលអ្នកស្រឡាញ់មនុស្សម្នាក់ សូម្បីតែរឿងតូចតាចក៏អាចប៉ះពាល់អារម្មណ៍របស់អ្នកផងដែរ។
ទាំងអស់នេះគឺជាអ្វីដែលអ្នកអាចជួបនៅពេលដែលអ្នកមានស្នេហា ប៉ុន្តែមានសុភមង្គលឬអត់គឺ អាស្រ័យលើមនុស្សដែលអ្នកនៅជាមួយប៉ុណ្ណោះ។ ម្យ៉ាងទៀត ស្នេហាមិនមែនល្អរហូតនោះទេ ដូចនេះហើយត្រៀមខ្លួនខ្លះទៅទើបមិនសូវឈឺចាប់ខ្លាំង។