1 លោកមានអាយុជិត 52ឆ្នាំហើយ!
lee jung-jae កើតនៅថ្ងៃទី 15 ខែឆ្នូ ឆ្នាំ 1972 ដែលសព្វថ្ងៃលោកមានអាយុ 52ឆ្នាំហើយ លោកមានតារានិករ Capricorn!
2 lee jung-jae បង្ហាញខ្លួនក្នុងវិស័យសិល្បៈដំបូងជាតារាម៉ូដែល
lee jung-jae ត្រូវបានអ្នករចនាម៉ូត fashion designer ចាប់អារម្មណ៍នឹងទាក់ទងឲ្យលោកមកធ្វើជាតារាម៉ូដែល ខណៈពេលដែលលោកធ្វើការនៅហាងកាហ្វេ ក្រោយពីលោកធ្វើជាតារាម៉ូដែលបានប៉ុន្មានឆ្នាំ លោកក៏បានផ្លាស់ពីតារាម៉ូដែល មកធ្វើជាតារាសម្តែងនៅក្នុងរឿង Dinosaur Teacher ក្នុងឆ្នាំ 1993។
3 លោកមិនសូវបានសម្តែងក្នុងរឿងភាគទេ
អ្នកហ្វេនរឿង kdrama ប្រាកដជាមិនសូវបានឃើញ lee jung-jae នៅក្នុងរឿងភាគនោះទេ ភាគច្រើនគឺឃើញនៅក្នុង movie ដែលជាភាពយន្តប៉ុណ្ណោះ ហើយពេលដែលគេសួរលោកអំពីរឿងនេះ លោកបាននិយាយថា “ខ្ញុំដឹងថា មនុស្សជាច្រើនប្រាកដជាគិតថាខ្ញុំបដិសេដមិនសម្តែងរឿងភាគ តែការពិតគឺខ្ញុំមិនសូវទទួលបាន project រឿងភាគនោះទេ ណាមួយពេលដែលខ្ញុំកំពុងសម្តែងភាពយន្តមួយ ខ្ញុំក៏ទទួលភាពយន្តមួយទៀត ដូច្នេះកាលវិភាពខ្ញុំគឺពេញទៅហើយ វាពិបាកក្នុងការទទួលថតរឿងភាគ”។
4 តួអង្គ Sung Gi hoon គឺជាតួដែលលោកប្រឹងប្រែងសម្តែងបំផុត
lee jung-jae ធ្លាប់សម្តែងតួអង្គជាច្រើននៅក្នុងវិស័យសិល្បៈ តាំងពីអង្គរក្ស រហូតដល់តួអាក្រក់ ប៉ុន្តែលោកបាននិយាយថាតួអង្គ Sung Gi hoon នៅក្នុងរឿង Squid game គឺជាតួអង្គមួយដែល challenge បំផុតសម្រាប់លោក ព្រោះតួអង្គមួយនេះត្រូវប្រើអារម្មណ៍ច្រើន បង្ហាញតាមទឹកមុខ ដូច្នេះហើយលោកត្រូវប្រើកម្លាំង ក៏ដូចជា effort ខ្លាំងទៅលើតួអង្គនោះ។
5 lee jung-jae មានជំនួញជាច្រើននៅក្នុងដៃ
ក្នុងឆ្នាំ 2008 លោកបានបង្កើតក្រុមហ៊ុនអចលនទ្រព្យ Seorim C&D ។ នៅឆ្នាំ 2016 គាត់បានបង្កើតក្រុមហ៊ុនមួយឈ្មោះថា Artist Company ជាមួយ Jung Woo Sung ហើយក៏បានបង្កើតអាជីវកម្មផ្សេងទៀតជាមួយ Jung Woo Sung ផងដែរ ដែលរួមបញ្ចូលទាំងអគារដ៏ថ្លៃមួយ នៅក្នុងទីក្រុងសេអ៊ូលដែលមានតម្លៃ 33 ពាន់លានវ៉ុន (ប្រហែល 1.4 ពាន់លានដុល្លារ)។ Lee Jung Jae ក៏មានភោជនីយដ្ឋានមួយដែរ ជាភោជនីយដ្ឋានអ៊ីតាលី ដ៏ប្រណិតមួយដែលមានលោកជាម្ខាស់កម្មសិទ្ធផ្តាច់មុខ មិនតែប៉ុណ្ណោះលោកក៏ជាអ្នកទទួលបន្ទុកផ្នែកគ្រឿងសង្ហារឹមផងដែរ ចាប់តាំងពីគាត់បានសិក្សាផ្នែករចនាខាងក្នុង។
6 លោកធ្លាប់បានជួយសងបំណុលឲ្យមិត្តរបស់ខ្លួន
នៅពេលដែលអ្នកដឹកនាំ Woo Jong Wan បានបង្ហាញខ្លួននៅក្នុងកម្មវិធីជាច្រើន គាត់បានចែករំលែកថា Lee Jung Jae បានមកជួយសង្គ្រោះលោក បន្ទាប់ពីបានរកឃើញបំណុលកាតឥណទានរបស់គាត់ ដែលបានកើនឡើងដោយសារតែ ទម្លាប់នៃការទិញទំនិញរបស់គាត់។ ក្រោយមកតារាសម្ដែងជើងចាស់រូបនេះ ត្រូវបានមិត្តភ័ក្ដិរបស់ខ្លួន Lee Jung Jae ជួយសងជំនួសខ្លួន ដូច្នេះហើយបានជាលោកតែងតែបង្ហាញការគាំទ្រ តាមរយៈអំណោយ ដូចជាឡានដឹកម្ហូប និងកាហ្វេទៅ Lee Jung Jae ជានិច្ច។
7 អំពីទំនាក់ទំនងដែលប្រកាសជាសាធារណៈរបស់លោក
មិត្តស្រីរបស់ Lee Jung Jae គឺជាកូនស្រី chaebol ដែលជាកូនស្រីអ្នកមាន គឺជាអ្នកស្នងមរតករបស់ Daesang Group Lim Sae Ryung ទំនាក់ទំនងរបស់អ្នកទាំងពីរបានប្រកាសជាសាធារណៈក្នុងឆ្នាំ2015 ដែលមុននោះអ្នកទាំងពីរក៏បានបដិសេធទំនាក់ទំនងស្នេហា និងអាពារណ៍ពិពាណ៍រយៈពេលជិត 5ឆ្នាំ។
8 គាត់ក៏មានចំណាប់អារម្មណ៍ខ្លាំងចំពោះ interior design គឺជាការរចនាផ្នែកខាងក្នុង
និយាយអំពី Lee Jung Jae ដែលមានទេពកោសល្យច្រើននោះ ជាក់ស្តែងលោកក៏មានប្រវត្តិផ្នែករចនាខាងក្នុងផងដែរ របាយការណ៍របស់ Koreaboo បាននិយាយថា លោកបានចូលរៀន interior design បន្ទាប់ពីបញ្ចប់ការសិក្សានៅសកលវិទ្យាល័យ ហើយទទួលបានសញ្ញាបត្រអនុបណ្ឌិត ពីសាកលវិទ្យាល័យ Donguk ផ្នែក theater and film។
9 គាត់បានបង្កើតប្រវត្តិសាស្ត្រដ៏ល្អបំផុតមួយនៅឯកម្មវិធី Blue Dragon Film Awards
ជាមួយនឹងអាជីពដែលចំណាយពេល អស់ជាច្រើនទស្សវត្សរ៍ វាមិនគួរឱ្យភ្ញាក់ផ្អើលទេដែល Lee Jung Jae ទទួលបានពានរង្វាន់ជាច្រើន បើតាម Cent film.org តារាសម្តែងរូបនេះ បានឈ្នះពានរង្វាន់ជាច្រើន ធ្វើឲ្យវាក្លាយទៅជាសមិទ្ធិផលដ៏កម្រមួយនៅអាយុ 21 ឆ្នាំ ដោយលោកបានឈ្នះពានរង្វាន់អ្នកចំណូលថ្មីដ៏ល្អបំផុតពីពានរង្វាន់ដ៏មានកិត្យានុភាពបំផុតចំនួនបី នៅក្នុងកម្មពិធីពានរង្វាន់នៅកូរ៉េ ដូចជា Blue Dragon Film Award, Baeksang Arts awards និង Grand Bell Awards។
10 Lee Jung Jae ធ្លាប់ត្រូវបានដកហូតប័ណ្ណបើកបរ
ក្នុងឆ្នាំ 1999 Lee Jung Jae ត្រូវបានចោទប្រកាន់ពីបទបើកបរក្រោមឥទ្ធិពលស្រវឹង បន្ទាប់ពីបានបើករថយន្ត BMW របស់គាត់ បុកឡានដែលនៅជាប់គ្នា។ ជាតិអាល់កុលក្នុងឈាមរបស់គាត់គឺ 0.222% ដែលធ្វើឲ្យប័ណ្ណបើកបររបស់គាត់ត្រូវបានដកហូត។ ក្រោយមកក្នុងឆ្នាំ 2002 គាត់បានបើកបរក្រោមជាតិស្រវឹងម្តងទៀត ដែលនាំឱ្យអាជ្ញាប័ណ្ណរបស់គាត់ត្រូវបានដកហូតម្តងទៀត។
