កាលពីយប់ថ្ងៃទី ២៥ ខែធ្នូ មហាសេដ្ឋីរូបស្រស់ និងកូនស្រីរបស់នាង ឈ្មោះ Stormi អាយុ 5 ឆ្នាំ បានបញ្ចេញពន្លឺនៃឈុតរបស់ពួកគេ នៅក្នុងពិធីជប់លៀងប្រចាំឆ្នាំ Kardashian-Jenner Christmas Eve។
នៅឆ្នាំនេះ ញ៉ាក់ណាស់!! Kylie Jenner និងកូនស្រី គ្រោងឈុតពណ៌មាសយ៉ាងស្រស់ម៉ាក Dolce & Gabbana ក្នុងពិធីជប់លៀងបុណ្យណូអែល ដែលស័ក្តិសមក្នុងទម្រង់ថ្លៃថ្នូរដែលគួរឲ្យទាក់ភ្នែក មើលទៅពិតជាឡូយឆាយពីក្បាលរហូតដល់ចុងជើង។ លើសពីនេះJenner បានបង្ហោះនូវព័ត៌មានលម្អិតនៃសំលៀកបំពាក់របស់នាងនៅក្នុងInstagram Story កាលពីយប់ថ្ងៃអាទិត្យ ធ្វើឱ្យអ្នកតាមដានសរសើរមិនដាច់ពីមាត់។
មិនតែប៉ុណ្ណោះ នៅក្នុងឃ្លីបវីដេអូមួយ Jenner និង Stormi បានថតរូបជុំគ្នាក្នុងកញ្ចក់ ខណៈពេលដែលក្មេងស្រីតូចបានវិលជុំវិញក្នុងសម្លៀកបំពាក់របស់នាង ហើយបញ្ចេញស្នាមញញឹមយ៉ាងស្រស់ស្អាត។
បន្ថែមពីនេះ ពីមានសម្លៀកបំពាក់ដ៏ស្រស់ស្អាតនេះហើយ នៅក្នុងពីធីជប់លៀងនោះ យើងក៏បានឃើញដើម christmas មួយយ៉ាងធំ ដែលមហាសេដ្ឋីវ័យក្មេងរូបនេះ ជាអ្នកតុបតែងឡើងយ៉ាងមានភាពទាក់ទាញ ហើយការតុបតែងបែបនេះ គឺដោយសារតែ Jenner ចង់រំលឹកការចងចាំល្អៗរបស់ខ្លួនកាលពីនាងនៅក្មេង ហើយនាងក៏ចង់ឲ្យកូនស្រីរបស់ខ្លួនទទួលបានបទពិសោធ៍ និង ការចងចាំល្អៗនៅពេលដែលនាងធំឡើងផងដែរ។
