ការទស្សនារឿង “What Comes After Love” ផ្តល់នូវអារម្មណ៍អាឡោះអាល័យ ដូចជាការនឹកឃើញដល់ស្នេហាដំបូង ដែលជាហេតុផលដ៏ធំបំផុតក្នុងការមើលរឿងនេះ។ ក្រៅពីបង្ហាញពីការនឹករលឹក មានរឿងបីទៀតដែលយើងចូលចិត្ត និងរឿងមួយដែលយើងមិនពេញចិត្តបន្តិចពីវគ្គ 1-2 នៃ “What Comes After Love”។
១. ចូលចិត្ត ភាពស្រស់ស្អាតដែលមាននៅក្នុងរឿង
រឿងនេះឆ្លាស់គ្នារវាងសម័យបច្ចុប្បន្ន និងរឿងអតីតកាល ដែលអ្នកទស្សនាបានសិក្សាពីរឿងស្នេហារបស់តួឯកកាលពី5ឆ្នាំមុន និងការជួបជុំគ្នាក្នុងបច្ចុប្បន្ន ជាគូស្នេហ៍ចាស់។ ដើម្បីបង្កើនបទពិសោធន៍នៃការមើល វាជារឿងសំខាន់ក្នុងការបែងចែកឱ្យបានច្បាស់លាស់រវាងបន្ទាត់ពេលវេលា ថាមួយណាជាអតីតកាល និងមួយនាជាបច្ចុប្បន្ន។ ទិដ្ឋភាពដ៏អស្ចារ្យមួយនៃ “What Comes After Love” គឺថា ជំនួសឱ្យការពឹងផ្អែកតែលើអត្ថបទ សាច់រឿងបានប្រើប្រាស់សម្លេង និងរូបភាពនៃភាពស្រស់ស្អាតដើម្បីបង្ហាញពីពេលវេលាវិញ។
ដូចជានៅក្នុងឈុតអតីតកាល គេបានប្រើប្រាស់សម្លេងលឺជាងមុន និងពណ៌ភ្លឺកាន់តែខ្លាំង ដោយមានភាពព្រិលៗបន្តិច ដើម្បីរំលេចអារម្មណ៍នៃការនឹករលឹក យុវវ័យ និងភាពកក់ក្តៅនៃការមានស្នេហា។ ផ្ទុយទៅវិញ ទិដ្ឋភាពនាពេលបច្ចុប្បន្ន មានភាពច្បាស់លាស់ និងមានភាពក្រៀមក្រំបន្តិច ដែលឆ្លុះបញ្ចាំងពីការបាត់បង់សុភមង្គល ក្រោយការបែកគ្នា។ នេះហើយជាភាពស្រស់ស្អាតនៃរឿងនេះ។
២. ចូលចិត្ត ភាពទាក់ទាញ និងស្និទ្ធស្នាលរបស់តួទាំងពីរ
ឈុតស្និទ្ធស្នាលរបស់ Hong និង Jungo ពិតជាធ្វើបានល្អ តារាទាំងពីរដួងនេះ បង្ហាញពីការសម្តែងដ៏ស៊ីវីល័យ ទាំងក្នុងអតីតកាល និងបច្ចុប្បន្ន ដែលបង្ហាញឱ្យឃើញពីភាពប៉ិនប្រសប់ចំពោះគ្នា និងស្នេហាដ៏ជ្រាលជ្រៅ ដែលពួកគេនៅតែដក់ជាប់ក្នុងចិត្ត។ ទោះបីជាគ្មានការសន្ទនាក៏ដោយ តែគ្រាន់តែការសម្លឹងមើល ក្រសែភ្នែក និងទឹកមុខ គឺគ្រប់គ្រាន់ដើម្បីបង្ហាញថាតួអង្គទាំងនោះ នៅតែមានស្នេហាយ៉ាងជ្រាលជ្រៅ។
៣. ចូលចិត្ត តួអង្គរាយរងដែលគួរឱ្យស្រឡាញ់
ថ្វីត្បិតតែ Hong និង Jungo ជួបគ្នាលើកដំបូងនៅតាមផ្លូវចៃដន្យក្នុងទីក្រុងតូក្យូ ប៉ុន្តែពួកគេកាន់តែស្និទ្ធស្នាលពេលកំពុងធ្វើការនៅផ្លូវតែមួយ – Hong នៅក្នុងភោជនីយដ្ឋានរ៉ាមេន ហើយ Jungo នៅក្នុងឡានលក់អាហារដែលចតនៅខាងក្រៅភោជនីយដ្ឋាន។ បុគ្គលិក និងម្ចាស់ហាងរ៉ាមេន មានភាពរីករាយជាខ្លាំង ដោយដើរតួជាមេអណ្តើកដ៏ធំបំផុតរបស់គូស្នេហ៍មួយគូនេះ។
១. មិនចូលចិត្ត រឿងខ្លីពេក មានតែ 6ភាគ
រឿង What Comes After Love នេះ មានប្រាំមួយភាគ ដែលតែល្អឥតខ្ចោះសម្រាប់ការមើល នៅរដូវស្លឹកឈើជ្រុះ។ ទោះបីជាយ៉ាងណាក៏ដោយ ដោយសារភាពស្និទ្ធស្នាល និងការសម្តែងដ៏ល្អរបស់តួគ្រប់គ្នានៅក្នុងរឿង ធ្វើឲ្យអ្នកទស្សនាជាច្រើនមិនចង់លា Hong និង Jungo ឆាប់ៗពេកទេ គ្រប់គ្នាចង់ឃើញតួទាំងពីរសម្តែងឲ្យបានយូរជាងនេះ។
