Taylor Swift គឺជាតារាប៉ុបដ៏ល្បីឈ្មោះម្នាក់នៅជុំវិញពិភពលោក ប៉ុន្តែអ្វីដែលគួរឲ្យភ្ញាក់ផ្អើលនោះគឺ វិធីសាស្រ្តនៃការញ៉ាំរបស់នាងគឺសាមញ្ញ និង គួរឲ្យចាប់អារម្មណ៍ខ្លាំងមែនទែន។ ទោះបីជា តារាចម្រៀងដ៏ល្បី និង មានការរវល់ខ្លាំងប៉ុណ្ណា ក៏ Taylor Swift នៅតែរក្សាវិធីសាស្រ្តដែលមានសុខភាពល្អចំពោះរបបអាហារប្រចាំថ្ងៃរបស់នាង។ ទាំងអស់នេះការពិតគួរឱ្យចាប់អារម្មណ៍ 10 អំពីរបបអាហាររបស់ Taylor Swift ដែលអ្នកអាចយល់ដឹងបន្ថែម ៖
![](https://vachanamedia.com/wp-content/uploads/2024/01/cce3a958c29d985c87c26881e3a9c088-473x1024.jpg)
១. កំណត់តុល្យភាពនៃការញ៉ាំ
យោងតាម PopSugar Swift បាននិយាយថា នាងនឹងតមញ៉ាំអាហារ គឺ ញ៉ាំសាឡាត់ ស៊ាំងវិច ព្រមទាំងទឹកដោះគោជូរប៉ុណ្ណោះក្នុងកំឡុងពេលមួយសប្តាហ៍ បើសិនជាថ្ងៃចុងសប្ដាហ៍តារាស្រីរូបនេះ ចង់ញ៉ាំអាហារដែលនាងចូលចិត្តមួយចំនួនដែលរួមមានឈីសប៊ឺហ្គឺ និងបង្អែមជាដើម។
![](https://vachanamedia.com/wp-content/uploads/2024/01/sandwiches-with-ham-cheese-tomatoes-lettuce-toasted-bread-white-plate_156140-4437.jpg)
២. ទទួលទានទឹកបានគ្រប់គ្រាន់ និងទៀងទាត់
Taylor Swift បានប្រាប់ Bon Appétit ក្នុងឆ្នាំ 2012 ថា “ខ្ញុំទទួលទានទឹកបានទៀងទាត់ណាស់ក្នុងមួយថ្ងៃ ហើយមិនថាទៅទីកន្លែងណា ខ្ញុំមិនដែលភ្លេចយកទឹកទៅតាមខ្លួននោះទេ ព្រោះខ្ញុំផឹកទឹក 10 ដបក្នុងមួយថ្ងៃ”។ ម្យ៉ាងទៀត ទឹកគឺមានសារៈសំខាន់ណាស់ សម្រាប់រាងកាយមនុស្សពេញវ័យ ហើយវាក៏ជួយដល់សុខភាពរបស់យើងជាច្រើនផងដែរ។
៣. ទទួលទឹកក្រូចមួយកែវនៅពេលព្រឹក
យោងតាម Bon Appétit ផងដែរ បានលើកឡើងថា Swift ទទួលទានទឹកក្រូចមួយកែវរៀងរាល់ព្រឹកជាមួយនឹងអាហារពេលព្រឹក។ ដោយសារនាងស្រលាញ់ការញ៉ាំអាហារដែលមានសុខភាពល្អ នោះទឹកក្រូចទើបតែច្របាច់ថ្មីៗ និងស្រស់គឺជាជម្រើសល្អរបស់នាង។
![](https://vachanamedia.com/wp-content/uploads/2024/01/Orangejuice-684x1024.jpg)
៤. ញ៉ាំអាហារពេលព្រឹកដែលមានប្រូតេអ៊ីនខ្ពស់
តារាចម្រៀងដ៏ពេញនិយមរូបនេះ ចូលចិត្តនំបុ័ងស្រូវសាលីជាមួយនឹង Ham និងឈីស Parmesan សម្រាប់អាហារពេលព្រឹករបស់នាង។ ការរួមបញ្ចូលគ្នានេះត្រូវបានបម្រើជាធម្មតាជាមួយស៊ុតចៀនមួយ ព្រោះជាអាហារមួយដែលមិនសូវមានកាឡូរី និងខ្លាញ់ច្រើននោះទេ។
៥. ចូលចិត្តញ៉ាំកាហ្វេ
Taylor swift បាននិយាយប្រាប់ទស្សនាវដ្តី Lucky ក្នុងឆ្នាំ 2014 ថា “កាហ្វេជាផ្នែកមួយដ៏ធំនៃជីវិតរបស់ខ្ញុំ។ ហើយគ្រប់ពេលដែលខ្ញុំបានញ៉ាំកាហ្វេ នោះគឺជាអារម្មណ៍មួយដែលធ្វើឲ្យខ្ញុំស្រស់ស្រាយ និង មានថាមពលស្វាហាប់។ ជាការពិតណាស់ កាហ្វេផ្តល់នូវថាមពលដ៏ខ្លាំងក្លា ប៉ុន្តែវាមានច្រើនទៀតចំពោះវា ណាមួយគឺភេសជ្ជៈត្រូវបានបង្ហាញថាអាចកាត់បន្ថយហានិភ័យនៃជំងឺទឹកនោមផ្អែម និងជំងឺភ្លេចភ្លាំង។
![](https://vachanamedia.com/wp-content/uploads/2024/01/taylor-swift-est-un-cafe-au-starbucks-dans-west-hollywood-los-angeles-californie-d628k6-edited.jpg)
៦. Taylor swift ចូលចិត្តសាច់មាន់ចៀន
តាមពិតទៅ តារាស្រីរូបនេះបានទទួលស្គាល់ថា នាងចូលចិត្តសាច់មាន់ចៀនណាស់ បើសិនជាអាហារមួយនេះគ្មានកាឡូរីច្រើនទេ នាងនឹងញ៉ាំរាល់ថ្ងៃតែម្តង។
៧. ទទួលទានគ្រាប់ជីដើម្បីរក្សារាង
តារាចម្រៀងស្រីម្នាក់នេះ បានយកគ្រាប់ជីដើម្បីរក្សារាងឲ្យស្លីមសម្រាប់រាងកាយរបស់នាង។ មិនតែប៉ុណ្ណោះ នាងបន្ថែមគ្រាប់ជីទាំងនេះទៅក្នុងទឹកផ្លែឈើ oatmeal ទឹកដោះគោជូរ ការ៉េម និងធ្វើជាភេសជ្ជៈជាដើម
![](https://vachanamedia.com/wp-content/uploads/2024/01/ghows-TX-ec797e23-239f-424c-84ed-ae1eb7ed106f-1b25a44b.webp)
តាមពិតទៅរបបអាហាររបស់តារាប៉ុបដ៏ល្បីឈ្មោះម្នាក់នេះ គឺពិតជាគួរឲ្យចាប់អារម្មណ៍ណាស់ និងសាមញ្ញមែនទេន។ មិនតែប៉ុណ្ណោះ ទោះជាចូលចិត្តអាហារបែបណាក៏ Taylor swift នៅតែអាចគ្របគ្រង់លើរបបអាហាររបស់ខ្លួនឯងបានយ៉ាងល្អ ដែលមើលទៅគួរឲ្យចាប់អារម្មណ៍ និងអ្នកអាចសាកល្បងអនុវត្តតាមក៏បាន។
ប្រភព ៖ everyhealth.com