យោងតាមរបាយការណ៍ផ្លូវការរបស់ ទូរទស្សន៍ tvN កាលពីថ្ងៃទី 12 ខែកក្កដា Moon Ga Young និង Choi Hyun Wook នឹងសម្តែងរួមគ្នាមនោសញ្ចេតនាថ្មី ក្រោមចំណងជើងរឿង “Black Salt Dragon” ដែលនឹងចាក់ផ្សាយលើបណ្តាញនៅក្នុងឆមាសទីមួយនៃឆ្នាំ 2025 ។
លើសពីនេះ ដោយផ្អែកលើ webtoon ដ៏ពេញនិយមរឿង “Black Salt Dragon” នឹងប្រាប់ពីរឿងរ៉ាវស្នេហារបស់បុរស និងស្ត្រីដែលជួបគ្នាដំបូងតាមរយៈតួអង្គហ្គេមអនឡាញរបស់ពួកគេក្នុងថ្ងៃសិក្សា បន្ទាប់មកជួបគ្នាម្តងទៀតក្នុងជីវិតពិតក្នុងនាមជាចៅហ្វាយ និងបុគ្គលិក បន្ទាប់ពី16 ឆ្នាំក្រោយ។
បន្ថែមពីនេះ Moon Ga Young នឹងសម្តែងជា Baek Soo Jung ដែលជាបុគ្គលិកឧស្សាហ៍ព្យាយាម និងមានទេពកោសល្យពិសេសក្នុងការងាររបស់នាង។ រីឯ Choi Hyun Wook នឹងដើរតួជាអ្នកស្នងមរតករបស់ Chaebol លោក Ban Joo Yeon ដែលជានាយកផ្នែកផែនការយុទ្ធសាស្រ្តនៅ Yongsung Department Store ។
ទន្ទឹមនឹងនេះ ក្រោយពីមានការប្រកាសជាផ្លូវការបែបនេះ អ្នកគាំទ្រក៏មានអារម្មណ៍រំភើប និងកំពុងរង់ចាំយ៉ាងអន្ទះសារ ដើម្បីចង់ដឹងថាតើតារាសម្តែងទាំងពីររូបនេះ មានភាពស៊ីសង្វាក់គ្នាខ្លាំងបែបណាខ្លះ និង ដាក់មនោសញ្ចេតនាដល់កម្រិតណា។
ប្រភព ៖ Soompi
