នៅថ្ងៃទី 23 ខែកក្កដា កន្លងទៅ Dispatch បានទម្លាក់របាយការណ៍បំផ្ទុះគ្រាប់បែកមួយ អំពី CEO Min Hee Jin របស់ ADOR ដែលត្រូវបានចោទប្រកាន់ថា “លួច” សមាជិក NewJeans ពី Source Music ដើម្បីបង្ហាញខ្លួនជាលើកដំបូង នៅក្រោមស្លាកសញ្ញាផ្ទាល់ខ្លួនរបស់នាង ដោយផ្អែកលើការណែនាំរបស់ shaman របស់នាង។
របាយការណ៍នេះរួមបញ្ចូលការថតអេក្រង់ នៃការសន្ទនាឯកជនដែលពាក់ព័ន្ធនឹង Min Hee Jin និងឈុតខ្លះនៃសមាជិក NewJeans ក្នុងអំឡុងពេលហ្វឹកហាត់របស់ពួកគេ។ ក្រោយមក ADOR បានឆ្លើយតបទៅនឹងរបាយការណ៍នេះ ដោយបដិសេធការអះអាងរបស់ HYBE។ លើសពីនេះ ក្រុមហ៊ុនក៏បានបង្ហាញពីចេតនារបស់ខ្លួន ក្នុងការបន្តចំណាត់ការផ្លូវច្បាប់ប្រឆាំង នឹងក្រុមហ៊ុន HYBE សម្រាប់ “រៀបចំសារផ្ទាល់ខ្លួន” និងផ្សព្វផ្សាយជាសាធារណៈ។
ADOR ក៏បានបញ្ជាក់ដែរថា ឪពុកម្តាយរបស់សមាជិក NewJeans ក៏កំពុងចាត់វិធានការផ្លូវច្បាប់ ប្រឆាំងនឹង HYBE សម្រាប់ការចេញផ្សាយរូបភាព និងវីដេអូរបស់ពួកគេពីអំឡុងពេលហ្វឹកហាត់ ដោយនិយាយថា “សមាជិក NewJeans និងឪពុកម្តាយរបស់ពួកគេកំពុងតវ៉ាប្រឆាំងនឹង HYBE ចំពោះការចេញផ្សាយវីដេអូសិក្ខាកាម និងរូបភាពផ្ទាល់ខ្លួនដោយគ្មានការអនុញ្ញាត” – ADOR ។
ទន្ទឹមនឹងនេះដែរ សំណុំថ្មីនៃការចោទប្រកាន់ និងការប្រឆាំងការចោទប្រកាន់ បានកើតឡើងនាពេលថ្មីៗនេះ នៅក្នុងការប្រយុទ្ធផ្លូវច្បាប់ ដែលកំពុងបន្តរវាង HYBE និង ADOR ដូចគ្នា។
