Lisa សមាជិកក្រុម BLACKPINK ត្រូវបានគេរាយការណ៍ថា បានប្រទះឃើញជាមួយមិត្តប្រុស ដែលមានពាក្យចចាមអារ៉ាម Frédéric Arnault ក្នុងវិស្សមកាលគ្រួសារ។ វេទិកាអនឡាញមួយ បានចែករំលែករូបថតជាច្រើនសន្លឹកកាលពីថ្ងៃទី 8 ខែសីហា ជាមួយនឹងចំណងជើងថា “នៅថ្ងៃទី 4 ខែសីហា Lisa បាននៅជាមួយគ្រួសាររបស់ Frédéric នៅក្នុងប្រទេសអ៊ីតាលី នៅលើទូកដ៏ប្រណិតបំផុត”។
រូបថតបង្ហាញ Lisa សម្រាកនៅលើទូកដ៏ប្រណិត ជាមួយគ្រួសារFrédéric។ ស្លៀកពាក់បែបធម្មតា នាងហាក់កំពុងតែរីករាយថ្ងៃលំហែជាមួយគេ។ ថ្មីៗនេះ Lisa បានទាក់ទាញចំណាប់អារម្មណ៍ តាមរយៈការបង្ហោះរូបភាពពីការធ្វើដំណើរអ៊ីតាលីរបស់នាង នៅលើគណនីបណ្តាញសង្គមរបស់នាង។
ចាប់តាំងពីខែកក្កដាឆ្នាំមុន Lisa និង Frédéric បានក្លាយជាប្រធានបទ នៃពាក្យចចាមអារ៉ាមអំពីទំនាក់ទំនងស្នេហា ដោយសារតែការមើលឃើញជាច្រើន។ ទោះបីជាអ្នកទាំងពីរត្រូវបានគេប្រទះឃើញ ជាញឹកញាប់ ក៏មិនបានបញ្ជាក់ជាផ្លូវការ ឬបដិសេធទំនាក់ទំនងនោះដែរ។ នៅក្នុងខែឧសភា Lisa បានបញ្ជាក់ពីទំនាក់ទំនងរបស់នាង ដោយប្រយោលជាមួយ Frédéric ដែលជាអ្នកស្នងមរតករបស់ក្រុម LVMH និងជានាយកប្រតិបត្តិនៃក្រុមហ៊ុន TAG Heuer ។
អ្នកនិយមលេងអ៊ីនធើណែតម្នាក់បានចែករំលែក រូបថតរបស់អ្នកដែលគេជឿថាជា Lisa ក្នុងថ្ងៃណាត់ជួបជាមួយបុរសម្នាក់នៅសារមន្ទីរ Rodin ក្នុងទីក្រុងប៉ារីស។ ក្រោយមក Lisa បានបញ្ឆេះពាក្យចចាមអារ៉ាម អំពីការណាត់ជួបដោយបង្ហោះរូបថតខ្លួនឯង នៅក្នុងសួននៃសារមន្ទីរ Rodin ក្នុងទីក្រុងប៉ារីស។ ទន្ទឹមនឹងនេះ Lisa បានបង្កើតទីភ្នាក់ងារផ្ទាល់ខ្លួនរបស់នាងគឺ LLOUD Co. និងកំពុងជំរុញអាជីពរបស់នាង។
ប្រភព៖ Allkpop
