ចំពោះស្ត្រីមានផ្ទៃពោះគឺគេមានការប្រុងប្រយ័ត្នខ្ពស់ណាស់ ព្រោះខ្លួន១ជីវិត ដូច្នេះមិនថាជំងឺអ្វីនោះទេគឺមិនអាចមើលស្រាលបានឡើយ។
ថ្ងៃនេះវេជ្ជ. ទឹង សុគន្ធមាលា ឯកទេសសម្ភព និង រោគស្រី្ត នៅមន្ទីរពហុព្យាបាល និងសម្ភព មេម័រ នឹងលម្អិតលើជំងឺហ្ស៊ីកា លើស្ត្រីមានផ្ទៃពោះ និង ផលប៉ះពាល់ដល់ទារកក្នុងផ្ទៃ។
- តើវ៉ីរុសហ្សីកា ចម្លងពីមនុស្សម្នាក់ទៅម្នាក់ទៀតតាមរយៈអ្វីខ្លះ?
+ ការខាំរបស់មូសខ្លាញី ដែលមានផ្ទុលមេរោគ ការប៉ះពាល់ឈាម ពិសេសការបញ្ចូលឈាម។
+ ការរួមភេទដោយមិនមានការការពារ។
+ ឆ្លងម្តាយទៅទារកក្នុងផ្ទៃតាមរយៈសុក ។
- បន្ទាប់ពីមានការឆ្លង តើមានលេចចេញរោគសញ្ញាអ្វីខ្លះ?
រោគសញ្ញា ដូចនឹងអ្នកដែលមិនមានផ្ទៃពោះ ក៏ប្រហាក់ប្រហែលនឹងជំងឺគ្រុនឈាម ឬ គ្រុនឈិក។
អាចមានសញ្ញាក្តៅខ្លួន ឈឺសាច់ដុំ មានក្រហមកន្តួលលើរាង្គកាយ មានក្រហមភ្នែក ឬឈឺភ្នែក។
ករណីធ្ងន់ធ្ងរ អាចបណ្តាលអោយមានការហូរឈាមតាមផ្នែកផ្សេងៗនៃរាង្គកាយ អាស្រ័យលើការចុះទាបរបស់កំរិតកោលិកាឈាម ឈ្មោះថាប្លាកែត។
- តើធ្វើដូចម្តេចទើបដឹងថាស្រ្តីជាម្តាយឆ្លងជំងឺហ្សីកា?
+ បញ្ជាក់ដោយការបូមឈាមរកមើលវត្តមានរបស់មេរោគ(PCR Testing)។
- តើហ្សីកាចម្លងទៅទារកដោយរបៀបណា? ផ្តល់ផលវិបាកដូចម្តេចខ្លះ?
_ ហ្សីកាមានសមត្ថភាពជ្រៀតចូលតាមសរសៃឈាមសុករបស់ម្តាយ រួចចម្លងទៅទារក (២-២៦%) អត្រាកាន់តែខ្ពស់ពេលដែលម្តាយឆ្លងក្នុងអំឡុងត្រីមាសទី១(រយៈពេលសំខាន់នៃការវិវដ្ដកោសិកាសរីរាង្គទារក) ។
ផលវិបាកសំខាន់ៗ៖
+ ទារកសម្រាលមុនកំណត់ ឫ ស្លាប់ក្នុងពោះ(១-៤%) ។
+ ប៉ះពាល់ទំហំក្បាលកូន និង ការវិវត្តផ្នែកប្រាជ្ញាស្មារតី ( ៣៣-៦៤%)
+ ភ្នែក និង របកគំហើញ(២៥%)។
- ធ្វើដូចម្តេចអាចដឹងថាទារកបានឆ្លងពីម្តាយ?
+ អំឡុងពេលពពោះ ៖
_ តាមដានរង្វាស់ទំហំកាត់ទទឹងក្បាលកូន(Biparietel Diameter) និង បរិមាត្យជុំវិញ(Head Circumference) ដោយអេកូសាស្ត្រ (ករណីឆ្លងទំហំនឹងតូចជាងកំរិតធម្មតា)។
_ បូមយកទឹកភ្លោះ ទៅស្វែងរកវត្តមាននៃមេរោគហ្សីកា ។
ពិនិត្យក្រោយសម្រាល ៖ តាមរោគសញ្ញាគ្លីនិក និង ការធ្វើតេស្តឈាម(PCR Testing)។
- តើត្រូវបន្តតាមដានសុខភាពទារកបែបបណា?
+ ការពិនិត្យទៅលើការវិវត្តនឹងការលូតលាស់របស់សរីរាង្គនីមួយៗ (ពិសេសអេកូសាស្រ្តដើម្បីពិនិត្យរចនាសម្ពន្ធ័ខួរក្បាល ពិនិត្យភ្នែក និង របកគំហើញរបស់ទារក )
+ ការតាមដានភាពមិនប្រក្រតីផ្សេងទៀត អាស្រ័យលើការវិនិឆ្ឆ័យរបស់វេជ្ជបណ្ឌិតកុមារ។
