ដូចអ្នកគាំទ្រជាច្រើន ពិតជាបានដឹងហើយថា កាលពីយប់ថ្ងៃទី 12 ខែវិច្ឆិកា ឆ្នាំ 2023 កន្លងទៅនេះ Sting បានរៀបចំការប្រគុំតន្រ្តីដ៏ធំមួយដែលមានឈ្មោះថា Sting Musicverse Festival។
ក្នុងនោះមានការចូលរួមពីតារាល្បីជាច្រើន មិនថាក្នុងប្រទេស ឬក្រៅប្រទេសដូចជា លោក G-Devith, DJ SODA មកពីប្រទេសកូរ៉េ, URBOYTJ មកពីប្រទេសថៃ, Tena, Step, Suly Pheng, Vy Dyneth និងសិល្បករជំនាន់ថ្មីជាច្រើននាក់ទៀត។
ក្រោយបញ្ចប់ការប្រគុំតន្រ្តី លោក G-Devith បានបង្ហាញពីទិន្នន័យនៃការចូលរួមរបស់អ្នកគាំទ្រថា មានអ្នកចូលរួមសរុប នៅក្នុងតំបន់ការប្រគំតន្រ្តីខាងក្នុង មានចំនួន 13,400នាក់ និង បងប្អូនដែលមិនបានចូលរួម ដោយជាប់នៅខាងមុខប្រមាណ 2,000នាក់ជាង ដែលនេះជាលទ្ធផលជោគជ័យមួយជំហានទៀត ដូចការរំពឹងទុក។
ព្រមទាំងអរគុណបងប្អូនអ្នកគាំទ្រ សម្រាប់ការចំណាយពេលវេលា និង ថវិការក្នុងការចូលរួមដំណើរជាមួយលោក និងក្រុមការងារផងដែរ។
