ចាប់តាំងពីការចាក់ផ្សាយរឿងភាគនេះមក ខ្សែភាពយន្ត The Queen of Newsទទួលបានចំណាត់ថ្នាក់កំណត់ត្រា 27.9 ពិន្ទុ និង បានក្លាយជារឿងដែលមានអត្រាគាំទ្រខ្ពស់បំផុតចាប់តាំងពីឆ្នាំ 2021 ហើយព្រមទាំងមានអ្នកមើលច្រើនជាង 1.8 លាននាក់។
លើសពីនេះ តួឯកស្រីនៅក្នុងរឿង ដែលយើងស្គាល់ថា Charmaine Sheh បានផ្ទុះការគាំទ្រជាខ្លាំងក្រោយពីចំណាយពេលជាច្រើនដើម្បីថតរឿងមួយនេះ។ ខណៈពេលនោះដែរ តារាស្រីរូបនេះត្រូវបានគេទទួលស្គាល់ថាជាតួសម្តែងដែលទទួលបានប្រជាប្រិយភាពឡើងវិញ ដោយសារតែសមត្ថភាពរបស់នាងបានបង្ហាញនៅក្នុងរឿង The Queen of News ។
លើសពីនេះ Charmaine បានចែករំលែកថា ថ្មីៗនេះ ” ខ្ញុំរវល់ខ្លាំងហើយខ្ញុំមានពេលសម្រាកតែមួយថ្ងៃប៉ុណ្ណោះសម្រាប់បុណ្យណូអែល” ដោយសារតែខ្ញុំតែងតែទទួលបានការអញ្ជើញទៅកម្មវិធីផ្សេងៗជាច្រើនបន្តបន្ទាប់ទៀត។ នៅពេលដែល Charmaine ទទួលបានការគាំទ្របែបនេះ ក្នុងពេលនោះ តារាស្រីរូបនេះបានសារភាពថា “ខ្ញុំមានអាយុ 48 ឆ្នាំ ហើយ” ទើបអ្នកនិយមលេងអ៊ីនធឺណិតបានសរសើរជាមួយសម្រស់ក្មេងជាងវ័យរបស់នាងផងដែរ។
ជាចុងក្រោយតារាស្រីវ័យ 48ឆ្នាំរូបនេះ មានក្តីរំភើបជាខ្លាំង ព្រមទាំងអរគុណដល់ទស្សនិកជនសម្រាប់ការ គាំទ្រពេញទំហឹងចំពោះរឿងមួយនេះ។
ប្រភព ៖ Jaynestar.com
