មនុស្សជាច្រើនពិតជាបានស្គាល់រួចមកហើយ អំពីតារា TikTok កូរ៉េដ៏ល្បី ដែលស្គាល់ថា WonJeongMan ឬ @ox_zung មានអាយុ 27 ឆ្នាំ និងមាន Follower ដល់ទៅ 55.6M ហើយពេលនេះ លោកបាននឹងកំពុងតែស្ថិតនៅក្នុងបទល្មើសរំ.លោភសេពសន្ថវៈ នារីជាមិត្តម្នាក់ ដោយមានការរាយការណ៍ពី SBS ។
ក្នុុងនោះជុំវិញករណីនេះ ដើមហេតុកើតឡើងដោយ តារាប្រុសរូបនេះ និង មិត្តប្រុសម្នាក់ទៀត បានផឹកស៊ីជាមួយមិត្តភក្ដិស្រីហើយបង្ខំឲ្យនាងផឹកដល់ស្រវឹងសន្លប់លែងដឹងខ្លួន។
បន្ទាប់មក Won Jeong និងមិត្តប្រុសនោះ ក៏បាននាំនារីរូបនេះ ទៅផ្ទះខ្លួនហើយធ្វើការរំលោភបំពាន លុះដល់នាងភ្ញាក់ដឹងខ្លួន នាងបានឮសម្លេងដូចកំពុងថតវីដេអូ នាងក៏បានខលហៅប៉ូលីសមកចាប់ខ្លួនភ្លាមៗ។ គួរបញ្ជាក់ផងដែរថា Won Jeong និងមិត្តប្រុស ធ្វើការរំលោភទៅលើជនរងគ្រោះបានសម្រេច ហើយនៅពេលដែលប៉ូលីសមកដល់ លោកមិនព្រមបើកទ្វារនោះទេ រហូតដល់មានកងកម្លាំងអគ្គីភ័យចុះមកជួយធ្វើអន្តរាគមន៍ ដោយទម្លាយទ្វារទើបចាប់ខ្លួនបាន។
ក្រោយការស៊ើបអង្កេត ប៉ូលីសក្រុង Seoul Gangnam បានកសាងសំណុំរឿង បញ្ជូនទៅតុលាការ គិតត្រឹមថ្ងៃទី 15 ខែធ្នូ Won Jeong ប្រឈមមុខនឹងការជាប់គុក 7 ឆ្នាំ ប្រសិនបើរកឃើញថាមានពិរុទ្ធ ពីបទរំ.លោភផ្លូវភេទលើជនរងគ្រោះដោយសន្លប់។
ចំណែកឯ ការចោទប្រកាន់ពីការថតវីដេអូខុសច្បាប់ ត្រូវបានគេច្រានចោលវិញ ដោយសារខ្វះភស្តុតាងក្នុងទូរស័ព្ទ ហើយរូបលោកក៏កំពុងអះអាងថា ការរួមភេទនេះ គឺមិនមែនបង្ខំនោះទេ ពួកគេបានព្រមព្រៀងគ្នា ទោះបីជាយ៉ាងណាក៏ដោយ ការពិតនឹងត្រូវបង្ហាញក្នុងអំឡុងពេលសវនាការដំបូង ដែលគ្រោងធ្វើនៅថ្ងៃទី ១៧ ខែមករា ឆ្នាំ ២០២៤។
ប្រភព៖ Koreaboo
