ខោខូវប៊យជាប្រភេទសំលៀកបំពាក់មួយដែលមិនហួសសម័យ ហើយវាពិតជាពេញនិយមក្នុងស្រទាប់យុវវ័យបំផុត។តែទោះជាយ៉ាងណាក៏ដោយទម្លាប់ក្នុងការស្លៀកខោខូវប៊យអាចបង្កឲ្យមានគ្រោះថ្នាក់ដល់សុខភាពផងដែរ ដូច្នេះបើសិនជាអ្នកចូលចិត្តស្លៀកខោខូវប៊យក្នុងស្ថានភាពនេះញឹកញាប់ពេក គួរតែផ្លាស់ប្ដូរខ្លះហើយ៖
១. ខោខូវប៊យតឹងពេក
ការស្លៀកខោខូវប៊យតឹងពេកអាចប៉ះពាល់ដល់សរសៃប្រសាទ និង ប៉ះពាល់ដល់ឆ្អឹងខ្នងដោយផ្ទាល់។ លើសពីនេះទៀតខោតឹងពេកអាចបណ្ដាលឲ្យមានបញ្ហារមាស់ស្បែក ឬ ស្ពឹកនៅពេលដែលអ្នកស្លៀកយូរពេក។
២. ស្លៀកខោខូវប៊យពេលគេង
ស្លៀកខោខូវប៊យនៅពេលគេងគឺមានផលប៉ះពាល់ខ្លាំងណាស់ព្រោះវាអាចបន្ថយគុណភាពនៃការគេង និងធ្វើឲ្យឈឺសាច់ដុំទៀតផង។ ប្រសិនបើអ្នកមានទម្លាប់នេះគួរតែបញ្ឈប់ភ្លាមទៅ ព្រោះវាអាចឲ្យអ្នកមានគ្រោះថ្នាក់បាន។ អ្នកគួរតែជ្រើសរើសសំលៀកបំពាក់ដែលរលុងៗ និង មានភាពងាយស្រួលក្នុងការគេង។ គួរជ្រើសរើសឈុតគេង ដែលគេបានរចនាឡើងសម្រាប់ការគេង ដែលធានាបាននូវការគេងដែលសមស្របមួយ។
៣. ស្លៀកខោខូវប៊យនៅក្រោមពន្លឺថ្ងៃយូរពេក
ការស្លៀកខោខូវប៊យដែលស្ថិតនៅក្រោមកម្ដៅថ្ងៃយូរពេកគឺមិនល្អឡើយ ព្រោះក្រណាត់ខោខោវប៊យអាចបង្កើនសីតុណ្ហភាពឲ្យក្ដៅខ្លាំង និងបង្កើនលទ្ធភាពឲ្យបាក់តេរីជ្រាបចូលស្បែក។ បើសិនអ្នកជាមនុស្សដែលត្រូវឈរក្រោមពន្លឺថ្ងៃច្រើននោះ អ្នកគួរតែជ្រើសខោទន់ និងមានផាសុខភាព ព្រោះ វានឹងជួយទប់ស្កាត់ស្ថានភាពនេះហើយឲ្យអ្នកផ្លាស់ទីបានយ៉ាងងាយស្រួល។
ចំណាំពេលស្លៀកខោខូវប៊យអ្នកគួរតែ:
ជ្រើសខោមានទំហំសមរម្យជាមួយខ្លួនជៀសវាងការស្លៀកតឹងពេក។
– ជ្រើសរើសប្រភេទខោណាដែលអាចបត់បែនបានស្រួល។
បោកខោអាវរបស់អ្នកជានិច្ចបន្ទាប់ពីទិញហើយ។
