ពិភពលោក និង ទិដ្ឋភាពក្នុងសង្គមមនុស្ស តែងតែមានការផ្លាស់ប្តូរយ៉ាងឆាប់រហ័សដូចដែលយើងទាំងអស់គ្នាបានដឹង ហើយភាពផ្លាស់ប្តូរខុសខ្លះៗតែងតែមានផលអវិជ្ជមាន និងផលវិជ្ជមាន។ ទោះបីជាសង្គមមានការរីកចំរើន និងមានការផ្លាស់ប្តូរល្អៗជាច្រើនកើតឡើងក៏ដោយ ក៏នៅមានរឿងអវិជ្ជមានមួយចំនួន កំពុងតែបំផ្លាញ មនុស្ស និងសង្គមមនុស្សផងដែរ។ រូបភាពខាងក្រោមនេះ និង ឆ្លុះបញ្ចាំងប្រាប់ការពិត នៃជីវិតទម្លាប់ប្រចាំថ្ងៃរបស់យើង ៖
១. មនុស្សស្រីគេងជាមួយទូរសព្ទរបស់នាង
រូបភាពនេះបង្ហាញយ៉ាងច្បាស់ពីអាកប្បកិរិយា និងទស្សនវិជ្ជានៃមនុស្ស បច្ចុប្បន្នដែលញៀននឹងទូរសព្ទ ហើយតែងតែដាក់ជាប់ខ្លួនជានិច្ច មិនថាពេលកំពុងគេងលក់។
២. គ្រប់គ្នាកំពុងលាក់មុខពិតរបស់ពួកគេ
នៅពីក្រោយរបាំងមុខមនុស្សម្នាក់ៗ តែងតែពាក់របាំងមុខដើម្បីបិទបាំងអារម្មណ៍ពិតរបស់ខ្លួន ដូចនេះ យើងមិនអាចដឹងបានទេថា ថ្ងៃនេះគេកើតទុក្ខ ឬសប្បាយចិត្តដោយសារតែទឹកមុខដែលគេយកមកបង្ហាញយើង។
៣. លុយមិនអាចទិញពេលវេលាបានទេ
មនុស្សមួយចំនួនគិតថា ការរកលុយឲ្យបានច្រើនគឺជាសុភមង្គល និង ធ្វើឲ្យជីវិតកាន់តែសុខស្រួល ប៉ុន្តែ ពេលខ្លះ លុយមិនអាចទិញពេលវេលាបានឡើយនៅពេលដែលពួកគេចាស់ទៅ ។ ដូចនេះ បើយើងខិតខំរកលុយដោយគ្មានពេលសម្រាក គ្មានពេលផ្តល់ក្តីសុខឲ្យខ្លួនឯងខ្លះទេ ទោះជាអ្នកមានលុយច្រើនក៏មិនសប្បាយចិត្តដែរ។
៤. ការណាត់ជួបដែលគ្មានន័យ
គូស្នេហ៍មួយគូណាត់ជួបគ្នា ប៉ុន្តែបែរជាកំពុងតែចុចទូរស័ព្ទរៀងខ្លួនទៅវិញ។ រូបភាពនេះបង្ហាញឱ្យឃើញយ៉ាងច្បាស់ ពីការណាត់ជួបមួយដែលមិនសំខាន់សម្រាប់គ្នាក្នុងសម័យនេះ ព្រោះ ប្រសិនបើមនុស្សម្នាក់ទៀតមានតម្លៃជាងទូរសព្ទនោះ នោះពួកគេនឹងទុកទូរសព្ទចុះ។
៥. ជីវិតតែងតែងាយស្រួលសម្រាប់អ្នកមាន
រូបភាពនេះបង្ហាញយ៉ាងច្បាស់ពី ភាពខុសគ្នានៃកូនអ្នកមាននិង កូនអ្នកក្រ ដោយសារតែសង្គមបច្ចុប្បន្នឲ្យតម្លៃទៅលើទឹកប្រាក់ច្រើនជាងសមត្ថភាព។ ដូចនេះជារឿងធម្មតាទេ សម្រាប់អ្នកមានលុយតតែងតែទៅមុខដោយងាយស្រួល ចំណែកឯអ្នកគ្មានលុយ តែងតែតស៊ូដោយការលំបាក ព្រោះ ជីវិតនេះពេលខ្លះពិតជាអយុត្តិធម៌មែន។
៦. ជួយមនុស្សដោយមានគោលបំណង
សម័យនេះមនុស្សមួយ មានចិត្តធ្វើបុណ្យ និង ចិត្តល្អតែមុខ Camera ប៉ុណ្ណោះ នេះជារបៀបដែលមនុស្សជួយមនុស្សនាពេលបច្ចុប្បន្ន។ ម្យ៉ាងទៀត គោលបំណង គឺដើម្បីទាញយកការចូលចិត្តនិងការចែករំលែកបន្ថែមទៀតនៅលើប្រព័ន្ធផ្សព្វផ្សាយសង្គម ដើម្បីឲ្យមានអ្នកដឹងឮច្រើន និង ចង់មានមុខមានមាត់នៅក្នុងសង្គម។
៧. និយាយដោយគ្មានខួរក្បាល
ពេលខ្លះមនុស្សម្នាក់និយាយអ្វីមួយចេញមកគឺមិនបានគិតអ្វីច្រើនទេ ឲ្យតែចង់និយាយៗភ្លាមដោយមិនគិតពីអារម្មណ៍របស់អ្នកដទៃ ប៉ុន្តែពួកគេមិនដឹងឡើយថាពាក្យខ្លះអាចសម្លាប់មនុស្សបានយ៉ាងងាយ។
បើនិយាយឲ្យខ្លីមកវិញ តាមពិតទៅមានរឿងជាច្រើនទៀតដែលអាចកើតមាននៅក្នុងជីវិតរបស់យើង ហើយរឿងតែអស់នោះតែងតែឆ្លុះបញ្ចាំងពីសង្គមដែលយើងបានរស់នៅ ដូចនេះមុនធ្វើអ្វីមួយ ត្រូវគិតឲ្យបានល្អិតល្អន់ដើម្បីកុំឲ្យមានអារម្មណ៍ថាស្តាយក្រោយនៅពេលដែលវាកន្លងហួសទៅ។
ប្រភព ៖ MindJournal.com
