ថ្មីៗនេះ ក្រៅពីឡើងកក្រើកឆាកក្នុងនាមជាសមាជិកក្រុម «តារាកំពូលអាស៊ី» រឿងភាគទូរទស្សន៍ «You Are Not Her» តារាប្រុសរូបនេះ បានចាប់ដៃគូសម្តែងជាតួឯកជាមួយ Crystal Fung ផងដែរ។
លើសពីនេះ សម្រាប់រឿងមួយនេះទើបតែចាក់ផ្សាយចប់ មិនទាន់មានការភ្ញាក់ផ្អើល និងផ្ទុះការគាំទ្រទេ ប៉ុន្តែ Karl Ting បានលេចមុខញឹកញាប់ ដែលធ្វើឲ្យកាន់តែមានមានប្រជាប្រិយភាពខ្លាំងបន្ថែមទៀត។ ដូច្នេះហើយ សម្រាប់ការថតរឿងមួយនេះ Karl Ting ចំណាយអស់រយៈពេល 3 ខែនៃការធ្វើការជាមួយទាំងយប់ទាំងថ្ងៃជាមួយ Crystal Fung។
បន្ទាប់ពីចាប់ផ្តើមស្គាល់គ្នា Karl Ting បានសរសើរតារាស្រីវ័យ ២៩ឆ្នាំរូបនេះថា ពិតជាមានភាពវៃឆ្លាត និងចេះគិតគូរពិតមែន ដោយនាងជួយទិញកាហ្វេឲ្យខ្ញុំ ហើយថែមទាំងរៀបចំអាហារបួសសម្រាប់ខ្ញុំទៀតផង ព្រោះនាងដឹងថាខ្ញុំមិនញ៉ាំសាច់ ហើយនាងបានរៀបចំច្រាសដុសធ្មេញ និងស្ករកៅស៊ូសម្រាប់ខ្ញុំសម្រាប់ឈុតថើបរបស់យើងផងដែរ។
លោក Karl និយាយថាគាត់សឹងនឹងទប់ចិត្តមិនជាប់ ហើយសង្ឃឹមថាមិត្តស្រីរបស់គាត់គឺមានចរឹកលក្ខណៈបែបនេះ។ គួរបញ្ជាក់ដែរថា Karl Ting នៅមិនទាន់មានមិត្តស្រីនៅឡើយទេ ព្រោះលោកនិយាយថាដោយសារតែរវល់ពេកទើបខ្ញុំមិនមានពេលគិតរឿងមួយនេះ។
Karl Ting បានចូលប្រឡូកក្នុងវិស័យនេះអស់រយៈពេល 7 ឆ្នាំហើយ គាត់មានអារម្មណ៍ថាគាត់ជួបប្រទះនឹងឱកាសច្រើនជាងអ្នកដទៃ និងទទួលបានលើសពីការរំពឹងទុក ដូច្នេះហើយគាត់ពិតជាដឹងគុណ និងសន្យាថានឹងខិតខំប្រឹងប្រែងបន្តទៅមុខទៀត។
ប្រភព ៖ hk.on.cc
