ដឹងទេហេតុអ្វីមនុស្សស្រីដែលតែងខ្លួនសាមញ្ញនិងធម្មតាអាចទាក់ទាញមនុស្សប្រុសមួយចំនួនឲ្យលង់ស្រឡាញ់ខ្លួនបាន ព្រោះពួកគេមានចំណុចពិសេសដែលទាក់ចិត្តមនុស្សប្រុសឲ្យចាប់អារម្មណ៍បាន។ភាពទាក់ទាញខ្លះមិនមែនកើតចេញពីភាពស្អាត រូបរាងដូចតារាទេ តែវាជាចំណុចលេចធ្លាដែលធ្វើឲ្យមនុស្សប្រុសចាប់អារម្មណ៍នាង។
១. កែវភ្នែក
ក្រសែភ្នែកពិតជាសំខាន់ណាស់ ព្រោះកែវភ្នែកមនុស្សស្រីមានភាពស្រទន់បង្កប់មន្តស្នេហ៍ដែលធ្វើឲ្យមនុស្សប្រុសងាយនឹងធ្លាក់ក្នុងអន្លង់ស្នេហ៍ណាស់បើពួកគេសម្លឹងមើលភ្នែករបស់នាង។ ម្យ៉ាងទៀតកែវភ្នែកគឺជាកន្លែងដែលប្រាប់អារម្មណ៍របស់ខ្លួនទៅកាន់នរណាម្នាក់ដោយមិនចាំបាច់និយាយ។
២ អត្តចរិត និងកាយវិការ
មនុស្សស្រីមិនគួរមានកាយវិការច្រង៉េងច្រង៉ាងនោះទេ ទោះបីជាអ្នកមិនសូវចេះទន់ភ្លន់ក៏ដោយ តែក៏មិនគួរសម្ដែងនូវកាយវិការឆ្មើងឆ្មៃមកក្រៅដែរ។ ចំនុចនេះមិនមែនឲ្យអ្នកសម្តែងឲ្យខុសពីចរិតពិតរបស់អ្នកទេ ប៉ុន្តែអ្នកគួរតែរៀបចំកាយវិការឲ្យ សមរម្យចំពោះខ្លួនឯង។ អ្នកដែលលឺគេនិយាយអត់ថា កាយវិការមនុស្សស្រីអាចសម្លាប់ចិត្តមនុស្សប្រុសបាន នេះមានន័យថាមនុស្សប្រុសគឺមានប្រតិកម្មខ្លាំងណាស់ទៅលើមនុស្សស្រី ហើយពួកគេតែងតែកត់សម្គាល់លើមនុស្សស្រីជានិច្ច។ មនុស្សស្រីខ្លះឃើញភ្លាមមាននិស្ស័យភ្លែត ព្រោះមើលទៅគួរឲ្យស្រឡាញ់ហើយទន់ភ្លន់បែបរឹងមាំ ដែលជាប្រភេទមនុស្សស្រីដែលមានភាពលេចធ្លោតែម្ដង។
៣ ក្លិនខ្លួន
នេះជារឿងចាំបាច់ណាស់សម្រាប់មនុស្សស្រីគ្រប់រូប ព្រោះមិនមែនតែមនុស្សប្រុសទេដែលចូលចិត្តមនុស្សស្រីដែលមានក្លិនក្រអូប គឺគ្រប់គ្នាតែម្ដង។ មនុស្សស្រីដែលមានក្លិនខ្លួនល្អធ្វើឲ្យមនុស្សគ្រប់គ្នាមានអារម្មណ៍ល្អពេលនៅក្បែរអ្នក លើសពីនេះវាជាចំណុចមួយដែលធ្វើឲ្យមនុស្សស្រីគួរតែរៀនថែរក្សាក្លិនឲ្យល្អជារៀងរាល់ថ្ងៃ ព្រោះធ្វើឲ្យអ្នកមានទំនុកចិត្តនៅពេលដែលអ្នកឈរក្បែរនរណាម្នាក់។
៤ មានសមត្ថភាព
ពិតណាស់មនុស្សស្រីដែលមនុស្សប្រុសចង់បានមិនមែនមានត្រឹមតែរូបរាងខាងក្រៅប៉ុណ្ណោះទេ ប៉ុន្តែជាមនុស្សស្រីដែលមានសមត្ថភាព ចេះបត់បែន ចេះយល់ការ និង ចេះសម្របខ្លួនតាមស្ថានភាពដែលកើតឡើង។ ម្យ៉ាងទៀតមនុស្សស្រីដែលមានសមត្ថភាពមិនខ្វះមនុស្សប្រុសស្រឡាញ់និងចង់បាននោះទេ ដូច្នេះសមត្ថភាពនេះហើយជាចំណុចខ្លាំង ដែលមិនមែនអ្នកណាក៏អាចមាន។
៥ ចិត្តល្អ
មនុស្សស្រីដែលចូលចិត្តជួយអ្នកដទៃ ចេះចែករំលែក និងមានចិត្តល្អតែងតែធ្វើឲ្យបុរសលង់ស្រឡាញ់ដោយមិនដឹងខ្លួន ព្រោះពួកគេយល់ថាមនុស្សស្រីបែបនេះគឺមិនមានចិត្តអាត្មានិយមឡើយ។ សេចក្តីល្អនេះហើយជាចំណុចដំបូងដែលគេចាប់អារម្មណ៍នូវអ្វីដែលពួកគេឃើញ និងមានអារម្មណ៍ថាមនុស្សស្រីម្នាក់នោះមានភាពស្អាតរួចជាស្រេចទៅហើយ។
ចំណុចខ្លះគឺយើងមានមកពីធម្មជាតិទៅហើយ ដូច្នេះមិនមែនសម្ដែងទេ តែចូលកែប្រែនូវចំំនុចដែលខ្លួនខ្វះខាត ហើយនោះមិនមែនតែដើម្បីឲ្យតែមនុស្សប្រុសស្រឡាញ់នោះទេ គឺដើម្បីខ្លួនឯង។ មនុស្សប្រុសចូលចិត្តមនុស្សស្រីដែលធ្វើជាខ្លួនឯង និងធម្មជាតិ ព្រោះពួកគេដឹងថាមនុស្សស្រីដែលព្យាយាមសម្ដែង គឺជាមនុស្សស្រីគួរឲ្យខ្លាចបំផុត។
