ថ្មីៗនេះ Miss Universe Cambodia 2023 ចន សុទីម៉ា បានគ្រងឈុតតំណាងជាតិ «ព្រះមេគង្គា» យ៉ាងស្រស់ស្អាតបង្អួតភ្នែកទស្សនិជនជាច្រើន ។
ក្នុងនោះឈុត «ព្រះមេគង្គា» នេះជាឈុតដែលឧទ្ទិសដល់ទន្លេមេគង្គ ដែលហូរមកពីទីបេកាត់ប្រទេសចិន មីយ៉ាន់ម៉ា ថៃ ឡាវ កម្ពុជា និងវៀតណាម។ ដោយដកស្រង់គំនិតពីទេវកថា ចម្លាក់បុរាណ និងបរិស្ថាន ឈុតនេះរំលេចនូវគ្រឿងអលង្ការនានាដែលច្នៃចេញពីរចនាបទសិល្បៈសម័យអង្គរ។
ឈុត «ព្រះមេគង្គា» បង្ហាញនិងលើកតម្កើងធនធានដ៏សម្បូណ៌បែបនៃទឹកដីវប្បធម៌កម្ពុជា ដោយធ្វើការប្រើប្រាស់ត្បូងធម្មជាតិនិងសំពត់ចរបាប់សូត្រត្បាញដោយដៃខ្មែរ។
ឈុតតំណាងជាតិ «ព្រះមេគង្គា» ដ៏ស្រស់ថ្លានិងវិសេសនេះជានិម្មិតរូបនៃលំហូរនៃសុខសិរីសួស្តីជ័យ តំណាងលំហូរនៃសន្តិភាព មិត្តភាព និងការរីកចម្រើននៃយុគសម័យថ្មី ផងដែរ។
ប្រភព៖ John Sotima
បញ្ចេញមតិយោបល់
