ការពិតនៃសេចក្តីសុខពិតប្រាកដគឺអារម្មណ៍ស្កប់ស្កល់ចេញពីខ្លួនឯង ទោះបីជាគ្មានអ្នកពិសេសណាមកខ្វល់ទិញកាដូអីឲ្យយើងក៏ដោយក៏អត់មានអីត្រូវខ្វល់ដែរ សំខាន់ខ្លួនឯងអាចផ្តល់កាដូឲ្យខ្លួនឯងបាន។ ខាងក្រោមនៅជាសកម្មភាពជាកាដូដែលអ្នកអាចផ្តល់ឲ្យខ្លួនឯងបាននៅថ្ងៃ Christmas
១. ទិញរបស់ដែលខ្លួនចង់បានជាយូរហើយ
អាចឆ្លៀតទៅដើរផ្សារបន្តិច ចំណាយពេលបន្តិចរបស់ណាដែលយើងស្រឡាញ់យូរហើយតែមិនទាន់ដាច់ចិត្ត។ សាកបើកចិត្តទិញវាឲ្យខ្លួនឯងម្ដងមើល ពេលនោះយើងនឹងមានអារម្មណ៍ពិសេស ហើយរីករាយណាស់ ដូចជានាឡិកាថ្លៃមួយដែលយើងស្រឡាញ់សែនស្រឡាញ់តែមិនហ៊ានទិញ។
![](https://vachanamedia.com/wp-content/uploads/2022/12/e50554ab-12d1-475b-bb07-5a0279f05728-1024x1024.jpg)
២. ទៅក្រៅបែប night out ជាមួយមិត្ត
ចប់ការងារក៏គួរឆ្លៀតរៀបចំខ្លួនឲ្យស្អាត ទៅក្រៅបែប girl night out អីម្ដងទៅ ព្រោះខំធ្វើការយូរហើយ។ ទៅញ៉ាំអីឲ្យឆ្ងាញ់ នៅកន្លែងបែប chill chill ហើយសម្រាកចិត្ត សម្រាកខួរក្បាលត្រៀមទទួលឆ្នាំថ្មីបន្តទៀត។
![](https://vachanamedia.com/wp-content/uploads/2022/12/39a8d8f0-e298-4b69-948f-dff89c479ff0-edited.jpg)
៣. ទិញ skincare ថែសម្រស់
រឿងនេះគឺថាមិនគួររំលងទេ ព្រោះជាការថែទាំសម្រស់ខ្លួនឯង។ គួរតែទៅទិញ skincare ណាសំខាន់ៗ បំប៉នដល់ស្បែកដើម្បីឲ្យនៅតែក្មេង ស្រស់ស្អាត។
៤. ទៅមើលកុនដែលខ្លួនចូលចិត្ត
រកមើលរឿងណាដែលខ្លួនចង់មើល ហើយទៅមើលឲ្យសប្បាយចិត្តម្ដង។ ទោះមានគ្នា ឬគ្មានគ្នា កុំទៅគិតច្រើន គេសប្បាយបែបគេ យើងសប្បាយបែបយើង។
៥. ទិញសៀវភៅអភិវឌ្ឍចិត្តគំនិត
ជាកាដូដ៏ពិសេសមួយក្នុងការឲ្យខ្លួនឯងសម្រាប់ការអភិវឌ្ឍខ្លួន។ ទិញសៀវភៅដែលល្អសម្រាប់ធ្វើឲ្យខ្លួនឯងរឹងមាំ និងចាកចេញពីភាពភ័យខ្លាចដើម្បីជំនះរាល់ឧបសគ្គដែលធ្លាប់បានជួប។
![](https://vachanamedia.com/wp-content/uploads/2022/12/𝐈̇𝐧𝐬𝐭𝐚𝐠𝐫𝐚𝐦-𝐋𝐨𝐯𝐞-__-𝐇𝐲𝐮𝐧𝐣𝐢𝐧.jpg)
និយាយទៅមិនចាំបាច់ទាល់តែមានគេទិញកាដូឲ្យទេ ខ្លួនឯងហ្នឹងហើយជាម្ចាស់កាដូដ៏សំខាន់បំផុតក្នុងជីវិតយើង។ ដូច្នេះចូររីករាយ និងបន្តរីកចម្រើននូវអ្វីដែលយើងកំពុងធ្វើ និងចាប់ផ្តើមក្តីស្រមៃអ្នក។
Merry Christmas and happy new year!