ថ្មីៗនេះ បន្ទាប់ពីកម្មវិធី Master Chef Cambodia បានចេញផ្សាយរដូវកាលទី ៣ សន្ទុះនៃការគាំទ្របានកើនឡើងជាលំដាប់ មិនតែប៉ុណ្ណោះ យើងសង្កេតឃើញថាក៏មានការផ្លាស់ប្តូរគណៈកម្មការមួយរូបផងដែរ។
បន្ថែមពីនេះ Chef Jessica ដែលអ្នកគាំទ្រល្បីថាជាគណៈកម្មការស្រីមួយរូបដែលមានទឹកមុខមាំស្មើ ពេលដែលដាក់ពិន្ទុដល់បេក្ខភាពនៅក្នុងកម្មវិធី ប៉ុន្តែនៅខាងក្រៅ Chef Jessica បែរជាមានភាព រួសរាយ លេងសើច និង គួរឲ្យស្រឡាញ់យ៉ាងខ្លាំង។
បើងាកមកមើលពីសមត្ថភាព និង សម្រស់របស់ Chef Jessica វិញ គឺមានទាំងព្រមតែម្តង មិនថាទាំងការសិក្សា ចំណេះដឹង និង ភាពជោគជ័យក្នុងពិភពជំនួញនោះទេ។
នៅមិនទាន់អស់ទេ សម្រស់របស់ Chef Jessica វិញ គឺស្រស់ស្អាតសមជាកូនកាត់ពិតមែន ស្នាមញញឹមបង្កប់ដោយមន្តស្នេហ៍ ហើយក៏ត្រូវបានអ្នកគាំទ្រ និង ទស្សនិកជនលាន់មាត់សរសើរមិនដាច់ពីមាត់ឡើយ។
ទន្ទឹមនឹងនេះ ទោះបីជាតាមរយៈកម្មវិធី Master Chef Cambodia បានបង្ហាញឲ្យឃើញពីសកម្មភាពនៅមុខកាមេរ៉ារបស់គណៈកម្មការទាំង ៣ រូបពេលដាក់ពិន្ទុ អមជាមួយទឹកមុខមាំ និង ភាពម៉ត់ចត់ មើលទៅមិនដូចជាពេលនៅពីក្រោយកាមេរ៉ាឡើយ។
