នៅថ្ងៃទី 11 ខែសីហា តារាចម្រៀងរ៉េប Sleepy ទទួលបានការចាប់អារម្មណ៍យ៉ាងខ្លាំង លើកម្មវិធី The Return of Superman របស់ KBS នៅពេលដែលគាត់បានបង្ហាញពីចំនួនជាក់លាក់ ដែល RM របស់ BTS បានផ្ញើមកគាត់ ដើម្បីអបអរសាទរគាត់ក្នុងពិធីមង្គលការរបស់គាត់។
ក្នុងពេលរំលឹកពីពិធីរៀបការរបស់គាត់ គាត់បាននិយាយថា “និយាយតាមត្រង់ទៅ អំណោយអាពាហ៍ពិពាហ៍ដំបូងគេគឺពី RM គាត់បានផ្ញើមកខ្ញុំជាចំនួនច្រើនណាស់” នៅក្នុងស្ទូឌីយោ តារាចម្រៀងរ៉េប DinDin បានប្រាប់ពីប្រវត្តិនៃរបៀបដែល Sleepy បានទទួលអំណោយពី RM ។
RM បានផ្ញើ Sleepy DM មួយដោយបញ្ជាក់ថា RM បានលឺអំពីគាត់រៀបការ ហើយសុំព័ត៌មានគណនីធនាគាររបស់គាត់។ ទោះបីជា Sleepy បាននិយាយថាវាមិនអីក៏ដោយ គាត់បានបញ្ជូនព័ត៌មានរបស់គាត់ភ្លាមៗ។ បន្ទាប់មក Sleepy បានទទួលការជូនដំណឹងភ្លាមៗដោយបង្ហាញថា គាត់ទទួលបានប្រាក់ចូលគណនីដល់ទៅ 10,000,000 KRW (7,301.72 USD)។
ពួកគេក៏បានបង្ហាញពីរបៀបដែល Sleepy និង RM ស្គាល់គ្នាផងដែរ។ យោងតាមលោក DinDin ពួកគេទាំងពីរបានជួបគ្នាពេលកំពុងរ៉េប នៅ underground វាត្រូវបានគេដឹងថា Sleepy បានណែនាំ RM ទៅ Bang Si Hyuk ។
នៅឆ្នាំ 2022 RM បានបង្ហាញខ្លួននៅលើ channel YouTube របស់សាកលវិទ្យាល័យ Psick ហើយបានបង្ហាញពីគំនិតដ៏ស្មោះត្រង់របស់គាត់ អំពីការផ្ញើប្រាក់អបអរសាទរសម្រាប់ពិធីមង្គលការ។ ទន្ទឹមនឹងនេះ RM ត្រូវបានកំណត់ឱ្យចាកចេញ ពីយោធានៅថ្ងៃទី 10 ខែមិថុនាឆ្នាំ 2025 ខាងមុខ។
ប្រភព៖ Koreaboo
