នៅថ្ងៃទី 9 ខែកក្កដា នេះ កាសែត My Daily បានរាយការណ៍ថា Jennie ត្រូវបានគេរាយការណ៍ ទៅស្ថានទូតកូរ៉េប្រចាំប្រទេសអ៊ីតាលី ដែលរបាយការណ៍ទៅស្ថានទូតនេះ កើតចេញពីការជក់បារីក្នុងផ្ទះ ខណៈកំពុងថត នៅប្រទេសអ៊ីតាលី។
យោងតាមគេហទំព័រ My Daily អ្នកនិយមលេងអ៊ីនធើណែតម្នាក់ បានផ្តល់ភស្តុតាងដោយនិយាយថា ពួកគេបានស្នើសុំការស៊ើបអង្កេត តាមរយៈសារព័ត៌មាន Kookmin Shinmun “ខ្ញុំបានស្នើសុំការស៊ើបអង្កេតតាមរយៈ Kookmin Shinmun ។ ខ្ញុំបានស្នើសុំឱ្យពួកគេស៊ើបអង្កេត Jennie សម្រាប់ការជក់បារីនៅក្នុងផ្ទះ និងដាក់ទណ្ឌកម្មនាងយ៉ាងធ្ងន់ធ្ងរ”។
គួររំលឹកផងដែរថា មុននេះភាពចម្រូងចម្រាសបានផ្ទុះឡើង នៅពេលដែលវីដេអូឃ្លីបរបស់ Jennie ជក់បារីក្នុងផ្ទះ ខណៈពេលដែលបុគ្គលិករបស់នាងកំពុងធ្វើការ Make up ឲ្យនាង ខណៈពេលដែលនាងកំពុងជក់បារីអេឡិកត្រូនិច ត្រូវបានបញ្ចូលទៅក្នុងវីដេអូ YouTube របស់នាង ប៉ុន្តែវីដេអូនេះត្រូវបានលុបចេញរួចរាល់ហើយ។
ប្រភព៖ Koreaboo
