នៅព្រឹកថ្ងៃទី 18 ខែធ្នូ Pagesix បានរាយការណ៍អំពីកំពូលតារាម៉ូដែល Kendall Jenner និងតារាចម្រៀងប្រុសដ៏ល្បីលើពិភពលោក និងជាតារាចម្រៀងរ៉េប Bad Bunny បានចែកផ្លូវគ្នាជាផ្លូវការបន្ទាប់ពីទាក់ទងគ្នាប្រហែល 10 ខែ។
ហើយបើតាមប្រភពបានឲ្យដឹងថា ទំនាក់ទំនងរវាងតារាទាំងពីរដួងនេះ មានភាពស្ងប់ស្ងាត់បន្តិចម្តងៗ ដោយសារតែពួកគេរវល់នឹងការងារផ្ទាល់ខ្លួន កាលពីពេលថ្មីៗនេះ។ មិនតែប៉ុណ្ណោះ ប្រភពជិតស្និទ្ធបានបង្ហើបបន្ថែមថា Kendall និង Bad Bunny ទាំងពីររវល់ខ្លាំងណាស់ អ្នកទាំងពីរនៅក្មេង ហើយនៅតែចង់ជួបរឿងជាច្រើន មុននឹងសម្រេចចិត្តជាផ្លូវការ។ តាំងពីដើមមក ពួកគេបានរៀបចំផ្លូវចិត្តសម្រាប់ទំនាក់ទំនងនេះក្នុងភាពមិនស្ថិតស្ថេរ រួចទៅហើយ។
គួររំលឹកផងដែរថា Kendall Jenner និង Bad Bunny បានចូលរួមក្នុងព័ត៌មានស្នេហាដំបូង ក្នុងខែកុម្ភៈឆ្នាំនេះបន្ទាប់ពីបង្ហាញរូបថតណាត់ជួបគ្នា នៅភោជនីយដ្ឋាន Wally ក្នុងទីក្រុង Beverly Hills សហរដ្ឋអាមេរិក។
ប្រភព៖ kenh14
