នារាត្រី ទី២០ ខែ១០ ឆ្នាំ២០២២ នេះ ឈុតគោព្រៃកាហ្វេសែនមនោរម្យ បានក្លាយជាឈុតតំណាងជាតិសម្រាប់ការប្រកួត Miss Grand International 2022 ក្នុងវគ្គNational costume។
ទោះបីជាមានការរិះគន់ និងមិនពេញចិត្តពីអ្នកគាំទ្រមួយចំនួនទៅលើ ឈុតគោព្រៃកាហ្វេសែនមនោរម្យ យ៉ាងណាក៏ដោយ ប៉ុន្តែពេជ្រ វត្តីសារ៉ាវឌ្ឍី នៅតែគ្រងឈុតនេះដោយភាពជឿជាក់ ស្រស់ស្អាត ជាមួយនឹងអត្ថន័យបង្ហាញពីខេត្តប៉ែកភូមិភាគឥសាន្តនៃប្រទេសកម្ពុជា ដែលសម្បូរទៅដោយដំណាំកាហ្វេដ៏ល្បីល្បាញ ដែលមានរសជាតិឆ្ងាញ់ផ្តាច់គេនៅក្នុងប្រទេសកម្ពុជា រីឯគ្រឿងតែងកាយគឺបង្ហាញពីរូបគោព្រៃជាសត្វតំណាងប្រទេសកម្ពុជា ជាសត្វកម្រនិងជិតផុតពូជផងដែរ។ ឈុតនេះទាំងមូលចង់បង្ហាញដល់ពិភពលោកអោយស្គាល់ពីធនធានកម្រនិងសម្បត្តិអត្តសញ្ញាណជាតិរបស់ប្រទេសកម្ពុជា។
ជាមួយនឹងការខិតខំប្រឹងប្រែង Miss grand តំណាងកម្ពុជា ពេជ្រ វត្តីសារ៉ាវឌ្ឍី ពិតជាលេចធ្លោ និងទទួលបានការទះដៃ ហ៊ោអបអរពីទស្សនិកជនយ៉ាងច្រើន។
