ក្នុងកំឡុងពលថ្មីៗនេះ Gyuri សមាជិក KARA កំពុងប្រឈមមុខនឹងពាក្យរិះគន់ពីអ្នកលេងអ៊ីនធើណែត បន្ទាប់ពីមានការវះកាត់មុខរួចហើយ។
យ៉ាងណាមិញ ដោយសារតែលឺពាក្យចចាមអារ៉ាមមិនល្អច្រើនពេក ធ្វើឲ្យភ្នាក់ងាររបស់តារាចម្រៀងរូបនេះ បានចេញសេចក្តីថ្លែងការណ៍មួយប្រាប់អ្នកគាំទ្រថា នាងត្រូវការការវះកាត់ដើម្បីជួសជុលមុខរបស់នាងឡើងវិញ ដូច្នេះហើយ កាលវិភាគរបស់នាង ដែលបានគ្រោងទុកសម្រាប់ខែកក្កដាត្រូវបានលុបចោល។
មិនតែប៉ុណ្ណោះ ជុំវិញការវះកាត់មុខរបស់តារាស្រី Gyuri ធ្វើឲ្យមានមតិសង្ស័យជាច្រើនថា អាចនឹងមានហេតុផលមួយចំនួនទៀតនៅពីក្រោយការវះកាត់របស់តារារូបនេះ។ លើសពីនេះ អ្នកលេងអ៊ីនធើណែតខ្លះ ក៏សង្ស័យថារបួសមុខរបស់នាងកើតឡើងដោយសារតែអំពើហិង្សាក្នុងគ្រួសារ មួយភាគទៀតចោទនាងថាបានធ្វើការវះកាត់កែសម្ផស្សក្នុងគោលបំណងយកការព្យាបាលរបួសបាំងមុខ។
គួររំលឹកផងដែរថា យោងតាមរបាយការណ៍ តារាសម្តែងស្រី Park Gyuri បានរងរបួសបាក់ឆ្អឹងថ្ពាល់ និងបាក់ឆ្អឹងគន្លង ដោយឧបទ្ទវហេតុនេះត្រូវបានបង្កឡើងពីការធ្លាក់ក្នុងអំឡុងពេល មានហាត់សមកាលវិភាគផ្ទាល់ខ្លួន’ ប៉ុន្តែព័ត៌មានលម្អិតជាក់លាក់មិនត្រូវបានបង្ហាញដើម្បីកុំឱ្យអ្នកគាំទ្រនិងមនុស្សនៅជុំវិញនាងមានការភ្ញាក់ផ្អើល។
ទន្ទឹមនឹងនេះ ដោយសារតែការបញ្ចេញមតិរិះគន់ និង និងពាក្យចចាមអារ៉ាមមិនពិត ហើយកាន់តែអាក្រក់ទៅៗ បានឈានដល់កម្រិតមួយដែលភ្នាក់ងាររបស់ Gyuri គឺ Big Boss Entertainment បានចេញសេចក្តីថ្លែងការណ៍ជាផ្លូវការ ដោយព្រមានអ្នកលេងអ៊ីនធើណែតពីវិធានការផ្លូវច្បាប់។
ប្រភព៖ Koreaboo
