ធ្លាប់ឭឃ្លា «កុំដើរអី ខ្លួនឯងស្រីទេ»ដែរអត់?តែការពិតមនុស្សស្រី ដើរលេងទទួលបាន មេរៀនជីវិតច្រើនណាស់៖
១. ស្វែងរកខ្លួនឯងឃើញកាន់ទេច្បាស់៖ ដើរកាន់តែច្រើន ខ្ញុំក៏ចាប់ផ្ដើម ដឹងថាខ្លួនឯង ជាមនុស្សបែបណា ចូលចិត្តអ្វីខ្លាំងជាងគេ ហើយចង់ធ្វើអ្វីជាងគេ។
២. ក្លាហាន និងរឹងមាំជាងមុន៖ ដើរកាន់តែច្រើនភាពភ័យខ្លាច ភាពខ្មាសអៀន ខ្ញុំក៏ជ្រុះបាត់ ម្ដងបន្តិចៗ រហូតខ្ញុំដឹងថាខ្ញុំពិតជារឹងមាំជាង លែងភ័យខ្លាចដូចមុន។
៣. ឯករាជ្យជាងមុន៖ ខ្ញុំអាចធ្វើអ្វីដោយខ្លួនឯងច្រើនជាងមុន ចេះចាត់ចែងដំណើរជីវិតខ្លួនឯងច្រើនជាងមុន ហើយចេះសម្រេចចិត្តច្រើនជាងដោយសារតែការដើរលេងនោះ។
៤. ស្គាល់រសជាតិជីវិតច្រើនជាងមុន៖ ជួបមនុស្សកាន់តែច្រើន ខ្ញុំក៏ស្គាល់ជីវិតដែលខ្ញុំមិនធ្លាប់ស្គាល់ពីមុន។ ខ្ញុំក៏ឃើញពិភពលោកច្រើនជាងមុន ខ្ញុំយល់ពីស្ថានភាពជីវិតខ្លួនឯងច្រើនជាងមុន ថាខ្លួនឯងនៅត្រឹមកម្រិតណា ហើយអ្នកផ្សេងនៅត្រឹមកម្រិតណា។
៥. ចេះដោះស្រាយបញ្ហាច្រើនជាងបង្កើតបញ្ហា៖ ដើរលេងធ្វើឲ្យខ្ញុំឆ្លាតជាងមុន ព្រោះខួរក្បាលខ្ញុំចាប់ផ្ដើមចេះដោះស្រាយបញ្ហាចំពោះមុខដែលខ្ញុំជួប ព្រោះវាមិនមែនស្មុគ ហើយង្កើតបញ្ហាឲ្យខ្លួនរហូតនោះទេ។
៦. សុខភាពផ្លូវចិត្តកាន់តែល្អ៖ រាល់ពេលដែលខ្ញុំដើរខ្ញុំសប្បាយចិត្ត អារម្មណ៍ខ្ញុំល្អ ដូច្នេះខ្ញុំក៏ចាប់ផ្ដើមគិតថាជីវិតនេះ មិនមែនគួរឲ្យធុញដូចមុនទេ តែវាជាការរុករកដ៏អស្ចារ្យ។អ្វីក៏ដោយមិនមែនមានតែមនុស្សប្រុសឯណាដែលអាចចាប់យកបាន សំខាន់យើងចូលចិត្តវា ហើយយើងហ៊ានធ្វើឲ្យវាកើតឡើង ព្រោះមនុស្សស្រីដែលអាចដើរទៅកន្លែងដែលខ្លួនឯងប្រាថា្នគឺពិតជាអស្ចារ្យ៕
