មុខម្ហូបទាំង៤យ៉ាង ដែលនាំសំណាង និងប្រជាជនខ្មែរនិយមធ្វើសម្រាប់រៀបចំក្នុងពីធីបុណ្យចូលឆ្នាំចិន

 ជិតដល់ចូលឆ្នាំចិនហើយ នៅតែអត់ទាន់ដឹងថាត្រូវធ្វើម្ហូបអីខ្លះមែនហេ៎? តោះថ្ងៃនេះ វចនា​ នឹងណែនាំពីមុខម្ហូបមួយចំនួនដែលឆ្ងាញ់ហើយថែមទាំងមានហុងស៊ុយល្អ និងពេញនិយមសម្រាប់ពិធីបុណ្យប្រពៃណីចិនថែមទៀតផង។

១ ត្រីចំហុយទឹកស៊ីអុីវ

វាជាមុខម្ហូបម្យ៉ាងដែលសាមញ្ញសម្រាប់ប្រជាជនខ្មែរ ប៉ុន្តែជាមុខម្ហូបប្រពៃណីរបស់ជនជាតិចិនដែលមានន័យថា ការកើនឡើងនៃ  ភាពរុងរឿង ម្យ៉ាងទៀតវាងាយស្រួលធ្វើនឹងចំណេញពេលទៀតផង។

 ២ ឆាមីដុំឬល្ពៅ

គឺជាម្ហូបឆាមួយទូទៅដែលងាយស្រួលធ្វើ និងចំណេញពេលវេលា ។​វាថែមទាំងមានអត្ថន័យថា អាយុវែង មានសុភមង្គលបានយូរអង្វែងដែលជាទំនៀមទម្លាប់នៃការសែនម្ហូបសម្រាប់បុណ្យចូលឆ្នាំចិន។

៣ នំប៉ាវចិន( គាវ )

ជានំគេតែងតែរៀបក្នុងពិធីបុណ្យចូលឆ្នាំចិន ព្រោះជានំដែលទ្រព្យហូរចូល នង លុយកាក់សម្រាប់មនុស្សគ្រប់រូប។ រីឯអត្ថន័យចំពោះប្រជាជនចិនវិញ មានន័យថា គឺជាទ្រព្យសម្បត្តិ ព្រោះវាមានរូបរាងដូចដុំមាសទើបពួកគេនិយមដាក់ក្នុងពិធីសែនដើម្បីទទួលបានមាសច្រើនជារៀងរាល់ឆ្នាំ។

៤. ជ្រូកខ្វៃ

ជាគ្រឿងសំណែនម្យ៉ាងដែលពេញនិយមខ្លាំងសម្រាប់ប្រជាជនខ្មែរ ព្រោះន័យរបស់វាគឺជាការរកស៊ីមានបាន លុយហូរចូលដូចទឹក មានសេចក្តីសុខ មានភាពរីកចម្រើនទៅមុខ នឹង  មានលាភសក្ការៈបន្តបន្ទាប់។