Quote “ខ្ញុំបានបរាជ័យម្តងហើយម្តងទៀតនៅក្នុងជីវិតរបស់ខ្ញុំ នោះហើយជាមូលហេតុដែលនាំខ្ញុំជោគជ័យ” -Michael Jordan
Michael Jordan គឺជាអតីតកីឡាករបាល់បោះ និង អ្នកលេងបាល់បោះលំដាប់ផ្កាយសម្រាប់ Chicago Bulls ព្រមទាំងក្លាយជានិមិត្តរូប សម្រាប់មនុស្សជាច្រើនផងដែរ។ ប៉ុន្តែបើក្រឡេកមើលទៅក្រោយវិញ គាត់និយាយថា វាមិនតែងតែងាយស្រួលនោះ សម្រាប់តារាទាំងអស់ដែលទទួលបានជោគជ័យនោះ ហើយក៏មានរឿងលំបាក និងការលះបង់មិនតិចដែរ។
ដូច្នេះហើយ ម៉ៃឃើលបានសារភាពក្នុងបទសម្ភាសជាមួយសារព័ត៌មានថា គាត់បានបរាជ័យក្នុងការសម្តែង មិនត្រឹមតែម្តង ឬពីរដងប៉ុណ្ណោះទេ ប៉ុន្តែច្រើនដងណាស់។ ក្នុងអាជីពរបស់គាត់ Jordan បានខកខានការបោះបាល់ចូល ប្រហែលជាង 9,000 គ្រាប់។ ហើយ គាត់ខកខានការបោះបញ្ចូលទីចំនួន26 ដងដើម្បីឈ្នះការប្រកួត។ ជាងនេះទៅទៀត អ្វីដែលគួរឲ្យខកចិត្តនោះគឺ គ្រាន់តែជាការចាប់ផ្តើមប៉ុណ្ណោះ គាត់បានចាញ់ជិត 300 ប្រកួតទៅហើយ។
ប៉ុន្តែការបរាជ័យ គឺជាវិធីមួយដើម្បីកែប្រែមនុស្សម្នាក់ឲ្យកាន់តែប្រសើរឡើងនៅពេលដែលគេហ៊ានទទួលយករឿងទាំងនោះ។ បន្ទាប់ពី បរាជ័យច្រើនដង Jordan កាន់តែប្រឹងប្រែងបន្ថែមទៀត ដើម្បីទទួលបានអ្វីដែលគាត់ប៉ងសម្រាប់អាជីពជាកីឡាបាលបោះនេះ។ អ្វីដែលសំខាន់នោះ នៅពេលដែលគាត់ចាប់ផ្តើមហ្វឹកហាត់ គ្រូបង្វឹកបានសម្លឹងឃើញពីចំណុចខ្វះខាតរបស់ Jordan ព្រោះគាត់មិនបានឈានដល់កម្ពស់អប្បបរមាសម្រាប់កីឡាករឡើយ។ ប៉ុន្តែជាមួយនឹងឱកាសដ៏ល្អមួយ និងការខិតខំប្រឹងប្រែងគួបផ្សំនឹងទេពកោសល្យពីធម្មជាតិ Michael Jordan អាចដើរចេញពីការបរាជ័យម្តងបន្តិចៗរហូតដល់ទទួលបានជោគជ័យសម្រាប់ជីវិតរបស់លោក។
មេរៀននៃការបរាជ័យរបស់ Michael Jordan បានបង្រៀនថា គ្មាននរណាដែលមិនធ្លាប់បរាជ័យឡើយ សូម្បីតែបុគ្គលដែលល្បីនៅលើពិភពលោក ដូច្នេះមិនថាអ្នកជានរណាឲ្យតែអ្នកដួលហើយ ហ៊ានក្រោកឈរឡើងវិញជាមួយការខិតខំប្រឹងប្រែង និង មិនបោះបង់ចោល នៅថ្ងៃមួយភាពជោគជ័យនឹងរត់មករកអ្នកវិញ។
មិនថាទាំង ក្នុងអាជីពបាល់បោះជោគជ័យនិងល្បីឈ្មោះប៉ុណ្ណាទេ Jordan នៅតែប្រឹងប្រែជាមួយសមត្ថភាពរបស់ខ្លួន រហូតចាប់ផ្តើមក្លាយជាអ្នកជំនួញដ៏ជោគជ័យម្នាក់ ជាម្ចាស់ហាងលក់រថយន្ត និងគាំទ្រផលិតផលគ្រប់ប្រភេទនៅទូទាំងពិភពលោក។
