ថ្មីៗនេះ ស៊េរីដើមរបស់ TVING “Dear X” បានបង្ហាញក្រុមតួសម្តែងដែលធ្វើឲ្យអ្នកគាំទ្ររំពឹងទុកយ៉ាងខ្លាំងពី Idol របស់ពួកគេសម្តែងប៉ះគ្នានាពេលខាងមុខ។
លើសពីនេះ នៅថ្ងៃទី 8 ខែសីហា “Dear X” បានប្រកាសឈ្មោះតួអង្គដែលចាប់ដៃគ្នាសម្តែងនៅក្នុងរឿងនេះមានដូចជា Kim Yoo Jung, Kim Young Dae, Kim Do Hoon និង Lee Yul Eum ដែលជាតួឯកក្នុងរឿងមួយនេះ។
ជាមួយគ្នានេះដែរ ផ្អែកលើ webtoon រឿង “Dear X” Kim Yoo Jung នឹងសម្តែងជា Baek Ah Jin ដែលជាតួអង្គតារាសម្ដែងកំពូលក្នុងប្រទេសកូរ៉េខាងត្បូង ដែលលាក់ធម្មជាតិដ៏ឃោរឃៅពីក្រោយមុខដ៏ស្រស់ស្អាតរបស់នាង។
Kim Young Dae នឹងដើរតួជា Yoon Joon Seo បុរសម្នាក់ដែលជឿថាការសង្គ្រោះគឺជាសេចក្តីស្រឡាញ់ និង នៅក្បែរ Baek Ah Jin ពេញមួយជីវិតរបស់គាត់។
Kim Do Hoon នឹងបង្ហាញខ្លួនជាអ្នកគាំទ្រដ៏ងប់ងល់របស់ Baek Ah Jin ដែលមានឈ្មោះថា គឺ Kim Jae Oh ដែលស្ថិតនៅក្បែរខ្លួន Baek Ah Jin តាមរបៀបផ្សេងពី Yoon Joon Seo ។
ជាចុងក្រោយ ទីបំផុត Lee Yul Eum នឹងដើរតួជា Rena ដែលជាអតីតតារាស្រីដែលឡើងដល់កំពូល ដោយសារសម្រស់ និងសំណាងដ៏អស្ចារ្យរបស់នាង ប៉ុន្តែ ប៉ុន្តែជីវិតរបស់នាងត្រូវបានរង្គោះរង្គើនៅពេលដែល Baek Ah Jin និង Yoon Jun Seo បង្ហាញខ្លួនក្នុងជីវិតរបស់នាង។
ដូច្នេះហើយ រង់ចាំមើលថា ការស៊ីចង្វាក់គ្នារវាងតារាទាំង ៤ រូបនេះមានការបញ្ចូលមនោសញ្ចេតនាបែបណាខ្លះ សូមរង់ចាំព័ត៌មានបន្ថែមទៀត។
ប្រភព ៖ Soompi
