កញ្ញា លន់ គីមហេង នឹងតំណាងឲ្យប្រទេសកម្ពុជាដើម្បីចេញទៅប្រកួតវគ្គផ្ដាច់ព្រ័តក្នុងកម្មវិធី Miss CosmoWorld 2022 ដែលនឹងធ្វើឡើងនៅប្រទេសម៉ាឡេសុី។
Miss CosmoWorld Cambodia 2022 វ័យ២៥ឆ្នាំរូបនេះនឹងចាកចេញពីប្រទេសកម្ពុជាដោយភាពក្លាហាន និងជឿជាក់ដើម្បីចូលរួមប្រកួតក្នុងកម្មវិធី CosmoWorld 2022 នៅប្រទេសម៉ាឡេសុី ទីក្រុង កូឡាឡាំពួ ដែលមានបេក្ខភាពជាច្រើនពីបណ្ដាប្រទេសនានាចូលរួម។ ដំណើរឆ្ពោះទៅដណ្ដើមពាននេះ កញ្ញានឹងហោះហើរនៅថ្ងៃព្រហស្បតិ៍ ទី ១៧ ខែវិច្ឆិកា ឆ្នាំ ២០២២ ខាងមុខនេះហើយ។
មុនចេញទៅប្រកួត គីមហេង ក៏បានប្រាប់ដែរថា កញ្ញាបានត្រៀមខ្លួនរួចរាល់ ទាំងឈុតរាត្រីស្រមោលស និងឈុតតំណាងជាតិ សម្រាប់ដំណើរទៅប្រកួតក្រៅប្រទេសនេះ។
កញ្ញាក៏បានបន្ថែមជាចុងក្រោយថា កញ្ញា នឹងប្រឹងប្រែងឲ្យអស់ពីលទ្ធភាព ហើយក៏សង្ឃឹមថាការប្រកួតនេះនឹងទទួលបានការគាំទ្រពីសំណាក់អ្នកគាំទ្រ ជាពិសេសបងប្អូនជនរួមជាតិខ្មែរតែម្ដង៕
