នៅថ្ងៃទី 27 ខែមិថុនានេះ CJ ENM បានបង្ហាញថា Kim Soo Hyun និង Park Min Young នឹងរៀបចំកម្មវិធីជួបជុំអ្នកគាំទ្រពិសេសនៅ KCON LA 2024 ដែលធ្វើឡើងនៅខែកក្កដាខាងមុខនេះ។
លើសពីនេះទៅទៀត Park Min Young ជាតួឯកស្រី ក្នុងរឿង : Marry My Husband” នឹងចូលរួមក្នុងកម្មវិធី “Special Fan Meeting នៅថ្ងៃទី 27 ខែកក្កដា ហើយនៅថ្ងៃបន្ទាប់នៅថ្ងៃទី 28 ខែកក្កដា តារាសម្តែងជួរមុខ Kim Soo Hyun នឹងត្រៀមរៀបចំកម្មវិធីជួបជុំអ្នកគាំទ្រវិញម្តង។
គួរបញ្ជាក់ដែរថា KCON LA 2024 នឹងប្រព្រឹត្តទៅក្នុងរយៈពេលបីថ្ងៃចាប់ពីថ្ងៃទី 26 ដល់ថ្ងៃទី 28 ខែកក្កដា នៅ Meet&Greet Stage នៅ LA Convention Center South Hall។
ទន្ទឹមនឹងនេះ កម្មវិធីជួបជុំអ្នកគាំទ្រពិសេសនឹងបើកសម្រាប់ទស្សនិកជនទាំងអស់ ហើយអ្នកមានសំបុត្រក្នុងពិធីបុណ្យទាំងអស់នឹងអាចចូលបានដោយសេរីជាមួយនឹង Idols របស់ពួកគេ។
ប្រភព៖ Soompi
បញ្ចេញមតិយោបល់
