យោងតាម Yonhap News នៅថ្ងៃទី 7 ខែសីហា នេះ ប៉ុស្តិ៍ប៉ូលីស Seoul Yongsan បច្ចុប្បន្នកំពុងស៊ើបអង្កេត SUGA សមាជិកក្រុម BTS លើការចោទប្រកាន់ពីបទបំពានច្បាប់ចរាចរណ៍ផ្លូវគោក (បើកបរក្នុងស្ថានភាពស្រវឹង) ។
ដែលក្នុងនោះ SUGA ត្រូវបានគេរាយការណ៍ថាបានផឹកស្រា ហើយបន្ទាប់មកបានជិះកង់អគ្គិសនីនៅក្នុងស្រុក Yongsan កាលពីថ្ងៃមុន ជាកន្លែងដែលគាត់បានដួលពេលទៅដល់ផ្ទះ។ មន្ត្រីប៉ូលីសដែលនៅក្បែរនោះបានចូលទៅជួយគាត់ ហើយដោយកត់សម្គាល់ក្លិនជាតិអាល់កុល គាត់បានផ្ទេរ SUGA ទៅប៉ុស្តិ៍ប៉ូលីសក្បែរនោះ។
ភ្លាមៗ Suga ក៏បានចេញមុខសុំទោស ចំពោះឧប្បត្តិហេតុបើកបរក្នុងស្ថានភាពស្រវឹងរបស់គាត់។ តារារូបនេះត្រូវបានចាប់ពីបទបើកកង់អេឡិចត្រូនិកបន្ទាប់ពីផឹកស៊ី។ លទ្ធផលនៃការធ្វើតេស្ត Breathalyzer បានបង្ហាញថាគាត់ស្ថិតក្នុងកម្រិត 0.08% នៃការផឹកស្រា។
យោងតាម BigHit Music អាជ្ញាប័ណ្ណរបស់គាត់ ត្រូវបានដកហូតជាលទ្ធផល ហើយគាត់បានបង់ប្រាក់ពិន័យសម្រាប់បញ្ហានេះ។ ក្រៅពីសេចក្តីថ្លែងការណ៍ដែលចេញដោយក្រុមហ៊ុនរបស់គាត់ Suga ក៏បានសុំទោសដោយផ្ទាល់ ចំពោះឧប្បត្តិហេតុនេះតាមរយៈ Weverse ដូចគ្នា។
ទន្ទឹមនឹងនេះ SUGA បានចូលបម្រើការជាភ្នាក់ងារសេវាសង្គម តាំងពីខែកញ្ញា ឆ្នាំមុន។
ប្រភព៖ Yonhap News
