យើងបានដឹងរួចមកហើយថា ការដាច់សសៃឈាមខួរក្បាលដោយសារតែកម្តៅថ្ងៃ ឬ អាចមកពីអាកាសធាតុក្តៅពេក គឺជាជម្ងឺធ្ងន់ធ្ងរម្យ៉ាងដែលបណ្តាលឲ្យមានគ្រោះថ្នាក់ ដូចជា ខូចសរីរាង្គ ឬ អឫចឈានដល់ស្លាប់។ គន្លឹះមួយចំនួនខាងក្រោមនេះអាចជួយឲ្យអ្នកជៀសផុតពីជម្ងឺដាច់សសៃឈាមខួរក្បាលដោយសារតែកម្តៅថ្ងៃបានដោយគ្រាន់តែអនុវត្តម្តងមួយជំហានដែលអ្នកអាចធ្វើទៅបាន៖
១. រក្សាជាតិទឹកនៅក្នុងខ្លួនឲ្យបានគ្រប់គ្រាន់
មានន័យថា អ្នកមិនត្រូវឲ្យរាងកាយរបស់អ្នកមានបញ្ហាខ្វះជាតិទឹកនោះទេ ដូចនេះអ្នកត្រូវទទួលទានទឹកឲ្យបានគ្រប់គ្រាន់ជៀសវាង ជាតិអាកុល និង កាហ្វេអ៊ីន។
២. ជៀសវាងការហាត់ប្រាណក្នុងពេលឡើងកម្តៅខ្លាំង
ចំណុចនេះអ្នកគួរតែរៀនស្វែងយល់ ព្រោះនៅពេលដែលអ្នកហាត់ប្រាននៅពេលដែលអាកាសធាតុក្តៅខ្លាំង វានិងមានផលប៉ះពាល់ច្រើន ដូចនេះបើអ្នកចង់ហាត់ប្រាណ អ្នកអាចជ្រើសពេលណាមួយដែលសីតុណ្ហភាពត្រជាក់ ជាងពេលថ្ងៃត្រង់ ដូចជាពេលព្រឹក និង ពេលល្ងាច ជាដើម។
៣. ស្លៀកសម្លៀកបំពាក់រលុង និងស្រាល
អ្នកអាចជ្រើសរើសសម្លៀកបំពាក់ដែលមានពណ៌ស្រាល ដោយមិនគួរជ្រើសរើសពណ៌ដិតពេកនោះទេ និង ត្រូវជៀសវាងពណ៌ខ្មៅ ព្រោះពណ៌ខ្មៅគឺអាចស្រូបកម្តៅថ្ងៃជាងពណ៌ធម្មតាដែលអាចធ្វើឲ្យអ្នកឡើងកម្តៅនៅក្នុងខ្លួនភ្លាមៗ។ លើសពីនេះមិនត្រូវស្លៀកពាក់តឹងពេកឡើយ ដោយសារតែវាអាចបណ្តាលឲ្យអ្នក មានការពិបាកក្នុងពេលដកដង្ហើម និង អាចធ្វើឲ្យថប់ដង្ហើមទៀតផង។
៤. ព្យាយាមស្ថិតក្នុងបរិយាកាសត្រជាក់
នៅពេលដែលអ្នកចេញទៅក្រៅគួរតែព្យាយាមស្ថិតនៅកន្លែងដែលមានសីតុណ្ហភាពមធ្យម ឬ ត្រជាក់ ដើម្បីបង្ការការឡើងកម្តៅនៅក្នុងខ្លួនរបស់អ្នក។ សំខាន់ជាងនេះអ្នកមិនគួរស្ថិតក្រោមកម្តៅថ្ងៃយូរពេកទេ ព្រោះវាអាចឲ្យអ្នកមានបញ្ហាដោយសារតែកម្តៅព្រះអាទិត្យ។
កម្តៅថ្ងៃគឺ អាចជាបញ្ហាមួយចំនួនដែលអ្នកមិនបានចាប់អារម្មណ៍ និង យកចិត្តទុកដាក់ ដែលបណ្តាលឲ្យប៉ះពាល់ ដល់សុខភាពរបស់អ្នក ដូចនេះ នៅពេលដែលអ្នកដើរទៅខាងក្រៅ គួរតែពាក់មួក ពាក់ម៉ាស់ ឬ បាំងឆ័ត្រ ដើម្បីកុំឲ្យកម្តៅក្នុងខ្លួនរបស់អ្នកកើនឡើង និង អាចការពារជម្ងឺដាច់សសៃឈាមខួរក្បាលបានផងដែរ។
ប្រភព៖ Bing AI
