តារាសម្តែង Jun Ji Hyun (ឬ Gianna Jun) ត្រូវបានគេស្គាល់ថា ជាតារាស្រីមួយរូបដែលមានសម្រស់ស្រស់ស្អាតឥតខ្ចោះ ព្រមជាមួយនឹងភាពមិនចេះចាស់របស់នាង។ តារាស្រីរូបនេះបានជាប់ឈ្មោះជាកំពូលសម្រស់មួយរូប របស់កូរ៉េខាងត្បូងតាំងពីតូចមក។
ក៏មានអ្នកគាំទ្រជាច្រើនបានខូចចិត្ត ពេលដែលនាងរៀបការជាមួយនឹងធនាគារិក Choi Joon Hyuk។ អ្នកទាំងពីរត្រូវបានគេដឹងថាជាមិត្តនឹងគ្នាកាលពីកុមារភាព។ គាត់មកពីប្រវត្តិគ្រួសារដ៏មានកិត្យានុភាព ដោយជីដូនរបស់គាត់ជាអ្នករចនាម៉ូដ Hanbok ដ៏ល្បីល្បាញ និងគ្រួសាររបស់គាត់បើកអាជីវកម្មដែក បច្ចុប្បន្នគាត់គឺជាម្ចាស់ភាគហ៊ុនធំជាងគេនៅក្នុងក្រុមហ៊ុន Alpha Assets។
ដោយឪពុកម្តាយទាំងពីរទាំងស្អាត និងសង្ហានោះ វាមិនចម្លែកទេដែលកូនៗរបស់ពួកគេ ក៏មានមុខមាត់ល្អ និងស្រស់សង្ហាគួរឱ្យកត់សម្គាល់។ រូបថតមួយសន្លឹកថ្មីៗនេះ ប្រៀនបានដូចជាថតរូបគ្រួសាររបស់មនុស្សសាមញ្ញធម្មតា នៅឯទការប្រកួតបាល់ទាត់មួយ។ ក្នុងនោះ កូនប្រុសរបស់នាងបច្ចុប្បន្នមានអាយុ៦ឆ្នាំ និង៨ឆ្នាំ។
អ្នកនិយមលេងអ៊ីនធើណែត មិនអាចទប់ភាពភ្ញាក់ផ្អើលចំពោះរូបរាងសង្ហា របស់កូនប្រុស Jun Ji Hyun បានទេ គ្រប់គ្នាឆ្ងល់ថា តើពួកគេនឹងក្លាយជាតារាល្បី នៅពេលអនាគតឬអត់? បន្ថែមពីនេះ នេះគឺជាពេលវេលាដ៏កម្រមួយ ដែលគ្រួសាររបស់នាងត្រូវបានគេថតរូប និងផ្សព្វផ្សាយនៅក្នុងប្រព័ន្ធផ្សព្វផ្សាយកូរ៉េខាងត្បូង។
ប្រភព៖ Koreaboo
