Michelle ជាតារាសម្តែងស្រីម្នាក់ ដែលប្រឡូកវិស័យខ្សែរភាពយន្តអស់ជាច្រើនឆ្នាំមកហើយ និងឆ្លងកាត់ឧបសគ្គក៏មិនតិចដែរ។ លើសពីនេះ តារាស្រី វ័យ ៦១ឆ្នាំ រូបនេះ កាលពីឆ្នាំមុន បានឈ្នះពានតារាសម្ដែងស្រីល្អបំផុតក្នុងកម្មវិធី និងបានរៀបការជាមួយនឹង Jean Todt ដែលបានភ្លជាប់ពាក្យអស់រយៈពេល ១៩ឆ្នាំហើយ។
ថ្មីៗនេះ Michelle បានទទួលយកបទសម្ភាសន៍មួយរបស់ Gwyneth Paltrow ហើយចែករំលែកបន្ថែមអំពីរឿងរ៉ាវខ្លះៗ និង បង្ហាញពីមូលហេតុដែលនាង និង អតីតស្វាមីរបស់នាងឈានដល់ការលែងលះ។ ជាមួយគ្នានេះដែរ Michelle បានរៀបការជាមួយអ្នកជំនួញហុងកុង Dickson Poon ពីឆ្នាំ 1988 ដល់ឆ្នាំ 1992 ។
អ្វីដែលលើសពីការស្មាននោះគឺ នាងមិនអាចមានតុល្យភាពរវាងការងារ និងអាពាហ៍ពិពាហ៍ក្នុងពេលដំណាលគ្នានោះទេ ដូច្នេះនាងចង់ផ្តល់អាទិភាពដល់គ្រួសារជាមុនសិន ទើបសម្រេចចិត្តបញ្ឈប់អាជីពថតរបស់នាងក្នុងអំឡុងពេលនោះ។
បន្ថែមពីនេះ Michelle បានប្រាប់ថា៖ «ខ្ញុំអាចរើសបានតែមួយ ហើយខ្ញុំពិតជាចង់បានជីវិតគ្រួសារ ដែលកក់ក្តៅមួយពិតប្រាកដមែន» ហើយនោះមិនមែនដោយសារតែប្តីរបស់ខ្ញុំដាក់សម្ពាធឱ្យខ្ញុំដូច្នេះទេ”។
លើសពីនេះ ទោះបីជាស្រលាញ់គ្នា១០ឆ្នាំក៏ដោយ ក៏ Michelle និង Dickson បានយល់ព្រមលែងលះគ្នាយ៉ាងសោកស្ដាយ ព្រោះពួកគេមិនអាចមានកូនបានឡើយ ទោះបីនាងបានសាកល្បងវិធីជាច្រើនក៏ដោយ។ មិនតែប៉ុណ្ណោះ ទោះបីជា Dickson ស្រលាញ់ Michelle ខ្លាំង ប៉ុន្តែគាត់ត្រូវការកូនប្រុសម្នាក់ ដើម្បីអាចទទួលមរតកជំនួញរបស់គាត់។
នាងបាននិយាយបន្ថែមថា “អតីតស្វាមីរបស់ខ្ញុំត្រូវការអ្នកស្នងមរតក ហើយនេះមិនមែនជាអ្វីដែលស្នេហាអាចយកឈ្នះបាននោះទេ។ គិតត្រឡប់មកវិញ ខ្ញុំគិតថាវាជារឿងលែងលះ គឺជាវិធីមួយដែលល្អសម្រាប់ខ្ញុំ ទោះបីយើងបានស្រឡាញ់គ្នាហើយ ប៉ុន្តែទំនាក់ទំនងរបស់យើងនឹងមិនស្ថិតស្ថេរឡើយ ប្រសិនបើយើងបន្តបង្ខំអ្វីៗដែលមិនអាចទៅរួច»។
ទាំងនេះហើយ គឺជាហេតុផលដែលធ្វើឲ្យនាងបានលែងលះជាមួយស្វាមីមុន ហើយចាប់ផ្តើមផ្តោតលើការងារវិញ ក្រោយមកនៅក្នុងឆ្នាំ ២០០៤ Michelle ចាប់ផ្តើមណាត់ជួបជាមួយអតីតនាយកប្រតិបត្តិ Ferrari លោក Jean Todt ។
ចុងក្រោយ គូស្នេហ៍នេះបានភ្ជាប់ពាក្យអស់រយៈពេល 19 ឆ្នាំមុនពេលរៀបការនៅខែកក្កដាឆ្នាំ 2023 នៅប្រទេសស្វីស។
ប្រភព ៖ Jaynesstar.com
