តារាសម្តែង Byeon Woo Seok កំពុងតែមានការកើនឡើងនូវប្រជាប្រិយភាព តាមរយៈរឿង Lovely Runner របស់លោក ទទួលបានការពេញនិយមយ៉ាងខ្លាំង ដោយលក់សំបុត្រជួបអ្នកគាំទ្រដាច់អស់ពីស្តុក។ ហើយថ្មីៗនេះ លោកក៏បានជាប់ពាក់ព័ន្ធនឹងពាក្យចចាមអារ៉ាមថា មានទំនាក់ទំនងស្នេហាជាមួយអ្នក មានឥទ្ធិពលកូរ៉េម្នាក់ ដោយអ្នកនិយមលេងអ៊ីនធើណែតបានរកឃើញភស្តុតាង ដើម្បីចោទលោកថាបានណាត់ជួបតារាម៉ូដែលឯករាជ្យម្នាក់របស់កូរ៉េ និងតារាបណ្ដាញសង្គម Stephanie។
ប៉ុន្មានឆ្នាំចុងក្រោយនេះ Byeon Woo Seok បានធ្វើដំណើរកម្សាន្តជាមួយមិត្តភក្តិរបស់គាត់។ ហើយអ្នកលេងអ៊ីនធើណែតដែលមានភ្នែកឥន្ទ្រី បានប្រទះឃើញក្មេងស្រីម្នាក់ឆ្លុះតាមបង្អួច ក្នុងរូបថតមិត្តភ័ក្ដិរបស់ Woo Seok ហើយពួកគេបានកំណត់អត្តសញ្ញាណ នាងថាជា Stephanie ។ ម៉្យាងហាក់ដូចជាពួកគេត្រូវបានគេចោទថាបានណាត់ជួបគ្នា មួយរយៈមកហើយ។ នៅក្នុង Instagram Story ដែលបង្ហោះដោយ Byeon Woo Seok ក្នុងឆ្នាំ 2022 គាត់បានទៅលេងហាងកាហ្វេមួយឈ្មោះថា Pacino។ នៅថ្ងៃដដែលនោះ Stephanie ក៏បង្ហោះរូបថតពីហាងកាហ្វេដូចគ្នា។
វាហាក់បីដូចជាហាងកាហ្វេ ត្រូវបានគ្រប់គ្រងដោយអ្នកស្គាល់គ្នា។ នៅក្នុងរូបថតដែលបង្ហោះដោយម្ចាស់ហាងកាហ្វេ Stephanie កំពុងអង្គុយនៅតុ ចំណែក Byeon Woo Seok ក៏បាន Like រូបថតដែលនាងបង្ហោះផងដែរ។
វាអាចថាបុគ្គលិកទូរទស្សន៍ Jo Se Ho គឺជាអ្នកភ្ជាប់ទំនាក់ទំនងរវាងអ្នកទាំងពីរ ព្រោះ Stephanie បានដាក់ tag គាត់ក្នុងរូបថតរបស់នាងនៅហាងកាហ្វេ។ ឆ្កែរបស់នាងក៏ត្រូវបានគេប្រទះឃើញនៅក្នុងទំ Instagram របស់ Jo Se Ho ផងដែរ។
បន្ថែមពីនេះ Stephanie ក៏បាន Follow Byeon Woo Seok និងមិត្តភ័ក្តិតារាសម្តែងមួយចំនួនរបស់គាត់ រួមទាំង Choi Hyun Wook និង Kim Hyun Jin ផងដែរ។
អ្វីដែលធ្វើឱ្យមនុស្សជាច្រើនជឿជាក់នោះគឺ ចំនួនរូបថតដែលថតនៅទីតាំងស្រដៀងគ្នា នៅលើ Instagram របស់អ្នកទាំងពីរ។
ទោះបីជាកាលបរិច្ឆេទមិនស្រដៀងគ្នា សម្រាប់រូបថតមួយចំនួន ប៉ុន្តែពួកគេប្រាកដជាថតនៅកន្លែងតែមួយ។
មានឱកាសមួយ Stephanie បានបង្ហោះ Instagram Story អំពីផ្លែប៉េស និងផ្លែឪឡឹក។
គេបានរកឃើញថា Byeon Woo Seok បាននិយាយអំពីការចង់ញ៉ាំឪឡឹក និងផ្លែប៉េសនៅលើ Weverse DM របស់គាត់ដូចគ្នា។
ហើយនៅថ្ងៃទី 30 ខែមេសា ឆ្នាំ 2022 អ្នកទាំងពីរបានបង្ហោះរូបថតផ្កាលឿង និងបៃតង។
ពួកគេក៏បានបង្ហោះរូបថតនៅឯកន្លែងហាត់ប្រាណដូចគ្នាដែរ។
ពួកគេទាំងពីរបានទៅ Jeju ក្នុងខែកុម្ភៈ ហើយបានបង្ហោះអំពីវា ក្នុងរយៈពេលប៉ុន្មានថ្ងៃក្រោយមក។
Pacino ហាក់ដូចជាប្រធានបទដដែលៗនៅក្នុងការបង្ហោះ Instagram របស់ពួកគេ។ ពួកគេភាគច្រើននឹងត្រូវបង្ហោះនៅថ្ងៃតែមួយ។
ពួកគេក៏បានទៅលេងហាងកាហ្វេដូចគ្នា ហើយបង្ហោះរូបថតស្រដៀងគ្នា។
ខណៈពេលដែលមនុស្សជាច្រើន សង្ស័យថាអ្នកទាំងពីរមានទំនាក់ទំនងគ្នាខ្លះៗ ប៉ុន្តែអ្នកផ្សេងទៀតគិតថា តើនេះជាចេតនារបស់ Stephanie ឬយ៉ាងណា។
គួររំលឹកផងដែរថា ភ្នាក់ងាររបស់ Byeon Woo Seok នៅមិនទាន់និយាយអ្វីនៅឡើយទេ។
ប្រភព៖ Koreaboo
